Onun sözlərinə görə, fövqəladə vəziyyət dövlətə zəlzələ zonası ilə bağlı reallıqların təhrif edilməsi cəhdləri, eləcə də digər cinayət əməlləri, o cümlədən qiymətləri əsassız şəkildə artırmaq cəhdləri ilə mübarizə səlahiyyəti verəcək.
Türkiyə prezidenti vurğulayıb ki, zəlzələdən sonra dövlət genişmiqyaslı fəlakətin nəticələrini aradan qaldırmaq üçün bütün imkanlardan istifadə edib.
"Hökumət modul tipli şəhərciklərin tikintisinə səylər yönəldib. Strukturların bir hissəsi xaricdən gətiriləcək. Onların hamısı fəlakət zonasının 10 əyaləti arasında bölüşdürüləcək”, - deyə siyasətçi bildirib.
Ərdoğan deyib ki, hakimiyyət bir il ərzində fəlakət zonasında evlərini itirmiş bütün vətəndaşları yeni mənzillərlə təmin etməyi hədəfləyir. 2-3-4 mərtəbəli evlər tikməyi planlaşdırırıq, deyə izah etdi.
Türkiyə prezidenti zəlzələnin fəsadları mövzusunun siyasiləşdirilməsinin yolverilməzliyini vurğulayıb.
Son məlumatlara görə, zəlzələ qurbanlarının sayı 14 351 nəfərə çatıb, 63 794 Türkiyə sakini xəsarət alıb.
Gülnar Nazimqızı
www.anews.az
Bizi sosial şəbəkələrdə izləyin !
