Türkiyə
Aralıq dənizi hövzəsində yerləşir - qlobal iqlim dəyişikliyinin mənfi təsirlərindən
ən çox təsirlənən regionlardan biridir. Bölgədə havanın temperaturu digərlərinə
nisbətən daha sürətlə yüksəlir. Bundan əlavə, ekoloqların fikrincə, bu əsrin
sonuna qədər Aralıq dənizi hövzəsində yağıntıların miqdarı demək olar ki, 30
faiz azalacaq. Bu barədə Boğaziçi Universitetinin İqlim Dəyişiklikləri
Araşdırma Mərkəzinin rəhbəri, professor Levent Kurnaz analtik yazısında qeyd
edib.
Professorbildirib ki, əhalinin artması ilə birlikdə yağıntıların azalması region ölkələri
üçün, o cümlədən ərzaq təhlükəsizliyi kontekstində ciddi problemlər yaradır.
Bu baxımdan
quraqlığı Türkiyə üçün ən böyük problemlərdən biri adlandırmaq olar və onun mənfi
təsiri gələcəkdə daha da artacaq.
Türkiyədə
də bu il quraq keçib. Türkiyə ərazisinin yarıdan çoxuna düşən yağıntıların
miqdarı 50 faiz azalıb.
Yağışların
azalması Türkiyənin əksər şəhərlərində əhəmiyyətli su qıtlığı yaradacaq.
İstanbul, İzmir və Bursa kimi şəhərlərdəki su anbarlarının doluluğu qışın
sonundan etibarən olduqca aşağıdır.
Yazı müəllifi qeyd edir ki, Türkiyədə quraqlıq riskini azaldacaq qabaqlayıcı tədbirlər görmək lazımdır.
BMT-nin proqnozlarına görə, 2050-ci ilə qədər dünyanın şəhər əhalisi 2 milyard nəfər artacaq. Lakin bu artımın böyük hissəsi indiki iri şəhərlərdə deyil, orta ölçülü aqlomerasiyalarda (əhalisi 500 mindən 1 milyon nəfərə qədər) cəmləşəcək.
Bu səbəbdən
suya çıxışı olan və iqlim dəyişikliyinin mənfi təsirlərindən nisbətən az təsirlənən
regionlarda lazımi infrastrukturun yaradılması gələcəyin təminatı olacaq.
Bir tərəfdən
quraqlıq və su ehtiyatlarının azalması faktorlarını, digər tərəfdən isə əhali
artımı və iqlim köçü ehtimalını nəzərə alaraq Türkiyə bu gün lazımi tədbirləri
görməlidir.
Gülnar
www.anews.az
Bizi sosial şəbəkələrdə izləyin !
