UEFA Millətlər Liqası ləğv olunmayacaq
19.08.2020 21:30
UEFA Millətlər Liqasının 2020/21 mövsümü ləğv olunmayacaq.
Bildirilib ki, qitə futbol qurumu rəsmiləri dünən gecə və bu gün səhər saatlarında turnirin ləğvi məsələsini müzakirə ediblər. Uzun məsləhətləşmələrdən sonra isə yarışın keçirilməsi qərara alınıb.
Koronavirus pandemiyası səbəbindən klub turnirlərinin təqvimində sıxlıq yarandığı üçün "Top-5” liqalarının komandaları Millətlər Liqasının ləğvi üçün UEFA-ya təzyiq göstərsə də, qurum üzv assosiasiyalarla görüşdən sonra "davam” qərarını verib. Yerli assosiasiyaların əksəriyyəti də oyunlar tamaşaçısız olduğu üçün qazanc əldə edə bilməmələrini problemə çevirməyiblər.
UEFA həmçinin onu da nəzərə alıb ki, Millətlər Liqası ləğv olunarsa, yığmalar bir ildən çox müddətdə oyun keçirə bilməyəcəklər. Bu hal isə sonuncu dəfə İkinci Dünya Müharibəsi zamanı yaşanıb.
Qeyd edək ki, Azərbaycan yığması Millətlər Liqasında Lüksemburq, Kipr və Monteneqro ilə C liqasının 1-ci qrupunda yer alıb. Yığmamız sentyabrın 5-də Bakıda Lüksemburqla, 3 gün sonra isə səfərdə Kiprlə qarşılaşacaq.
www.anews.az
Son xəbərlər 
Daha çox
Foto 
Video 
