Ukrayna Kursk istiqamətində 49 800-ə qədər hərbçisini itirib

Ukrayna Silahlı Qüvvələri Kursk istiqamətində gedən döyüşlər zamanı 49 830 hərbçi itirib. Bu barədə  Rusiya Müdafiə Nazirliyi məlumat yayıb.

"Ümumilikdə, Kursk istiqamətində keçirilən hərbi əməliyyatlar zamanı düşmən 49 830-dək hərbçisi, 293 tankı, 217 piyada döyüş maşını, 159 zirehli transportyoru, 1511 zirehli döyüş maşını, 1426 texnikası, 344 reaktiv artilleriya qurğusu, raket sistemləri, o cümlədən 13 HIMARS və 6 MLRS, 16 zenit-raket komplekslərinin buraxılış qurğusu, 8 nəqliyyat və yükləmə maşını, 89 elektron döyüş stansiyası, 13 anti-batareya radarı və 4 hava hücumundan müdafiə radarını itirib”, - nazirlik bildirib.

Həmçinin 24 saat ərzində Ukrayna Silahlı Qüvvələri 325-dən çox hərbçisini itirib.

Nazirlik bildirir ki, Kursk vilayətində bir neçə döyüşçü Ukrayna Silahlı Qüvvələrinin Kazaçya Loknya, Kubatkin, Lebedevka, Nikolskoye, Sudja və Çerkasskoye Poreçnoye yaxınlığındakı birləşmələrini darmadağın edib.

 

Aytac