Ukraynada bir aylıq buğda ehtiyatı qalır

Ukrayna çörək istehsalçıları bir neçə aydır ki, unun qiymətinin qalxması və Rusiya Silahlı Qüvvələrinin ölkənin kritik infrastrukturuna müntəzəm zərbələr endirməsi nəticəsində yaranan enerji təchizatı ilə bağlı problemlər səbəbindən istehsalın dayandırılması təhlükəsi barədə xəbərdarlıq edir.

Fermerlər yay fəslinin anomal isti keçməsi ilə əlaqədar bəzi rayonlarda məhsuldarlığın azaldığını da qeyd edirlər. Fermerlər və Özəl Torpaq Sahibləri Assosiasiyasının prezidenti İvan Tomiç bəyan edib ki, payızda ət və süd məhsullarının qiymətləri 30% bahalaşacaq.

Avqustda Ümumkrayna Çörəkçilər Assosiasiyasının prezidenti Yuri Duçenko ölkədə çörəyin qiymətinin 10-20% artacağını proqnozlaşdırmışdı. Vəziyyət dəyişməzsə, onun sözlərinə görə, artıq sentyabrda Ukrayna əsas ərzaq məhsullarının qıtlığı ilə üzləşməyə başlayacaq.

 

Aytac