Ukraynada ümummilli matəm keçirilir - VİDEO

Ukraynada ötən ilin noyabr ayında başlayan hökumət əleyhində aksiyalarda 100-dən çox fəal ölüb. ANS PRESS-in xəbərinə görə, hazırda paytaxt Kiyevdə ölənlər üçün Ümumilli matəm keçirilir. Azadlıq uğrunda ölənlər üçün zənglərin çalındığı kilsədə canını fəda edənlər üçün ayinlər keçirilir. Qanlı qarşıdurmaların baş verdiyi meydanda isə hər tərəfə güllər düzülüb və şamlar yandırılıb. Aksiyalar vaxtı tibb məntəqəsi kimi istifadə olunan “Mixailovski” monastırında müxaliflər öldürülən etirazçılar üçün ağlayır. Bu matəmin sözlə ifadə etməyin mümkün olmadığını deyən ukraynalı qadın ölənləri əsla unutmayacaqlarını bildirib. Qeyd edək ki, fevralın 20-də “Berkut” xüsusi təyinatlılarının maydana girməsi ilə baş vermiş qarşıdurmada 77 fəal ölmüşdü. ANN.Az