Ukraynanın məğlubiyyəti ABŞ-a daha baha başa gələcək
13.12.2024 17:38
Ukraynaya hərbi dəstək ABŞ-ın müdafiə xərclərinə qənaət etməsinə imkan yaradır, çünki Kiyev məğlub olarsa Vaşinqtona öz təhlükəsizliyini təmin etmək üçün əlavə 800 milyard dollar vəsait sərf etməli olacaq. Bu barədə Foreign Affairs (FA) jurnalı məlumat yayıb.
"Ukraynanın məğlubiyyəti ABŞ-dan müdafiəyə əlavə olaraq 808 milyard dollar xərcləməyi tələb edəcək. Bunun əksinə, 2022-ci ildən bəri Konqres Müdafiə Nazirliyinə Kiyevə yardım üçün 112 milyard dollar ayırıb. Başqa sözlə, Rusiyanın Ukraynanı məğlub etməsinə icazə vermək, Rusiyanın qələbəsinin qarşısını almaqdan təxminən yeddi dəfə baha başa gələcək," - məqalədə aparılan hesablamalara istinadən qeyd olunur.
Bundan əlavə, məqalə müəllifləri vurğulayır ki, Ukraynaya hərbi yardım üçün xərclərin böyük hissəsi ABŞ-da qalır, çünki bu vəsait ölkə daxilindəki müdafiə sifarişlərinə yönəldilir.
Beləliklə ABŞ təkcə vəsaitə qənaət etmir, həm də əlavə iqtisadi artım mənbəyi əldə edir.
N.Təbrizli
www.anews.az
Foto 
Video 
