Hər kəs siqaretin nə qədər zərərli olduğu haqqında az
da olsa məlumatlıdır. Siqaret bu qədər zərərli ikən hələ də məktəbli və azyaşlı
uşaqlara siqaret satanları görə bilirik. Cəzası isə çox yüngül olur. Sadəcə müəyyən
məbləğdə cərimə ödəməklə uşaqlar bu cinayətdən canını qurtarırlar. Bu gün demək olar
ki, bütün məktəblərin ətrafında olan kiçik market və köşklərdən asanlıqla ədədlə
siqaret almaq olar. Bəs bu cür ciddi problemin qarşını almaq üçün nə kimi işlər görülür?
"İlk növbədə qeyd edim ki, siqaret çəkən insanın ən az
18 yaşı olmalıdır. Amma hazırda müxtəlif yaş kateqoriyasına mənsub olan ,
xüsusi ilə azyaşlılar, şagirdlər, uşaqlar buna əməl etmir. Onlar hətta bəzi nəzarətsiz
məktəblərin həyətlərində siqaret çəkirlər. Uşaqlar siqareti əsasən qrup halında
çəkirlər. Tək halda siqaret çəkən azyaşlı birisini görmək çətindir.
Uşaqların
siqaret çəkməyə başlamasının əsas səbəbi buna qrup şəklində başlamasıdır.
Onlara baxıb, bu pis vərdişlərdən istifadə etməyənlər də siqaretdən istifadə
edir. Aşağı siniflərdə oxuyanlar yuxarı siniflərin siqaretdən istifadə etməsini
görüb, çəkməyə başlayırlar. Hətta bəziləri bunu özləri üçün fəxr hesab edirlər.
Uşaqlar siqaretin necə zərərli bir vasitə olduğunu bilmir. Onlar siqaretin tərkibi
və zərərlərindən xəbərsizdirlər. Çünki onlara siqaretin proflaktikasını keçməyiblər.
Məktəbdə müəlimlər şagirdləri "həyat bilgisi” kimi dərslərdə siqaretin zərərlərindən,
onun tərkibindən, siqaret istifadə edərlərsə, gələcəkdə həmin uşaqları nəyin
gözləməsindən xəbərdar etməlidirlər.
Mütəmadi məktəblərdə şagirdlərə siqaretə
qarşı təbliğatlar aparılmalıdır. Yalnız bu yolnan olar bundan uzaq dura bilərlər.
Mən bir neçə dəfə məktəb şagirdlərinə bunun proflaktikasını keçmişəm. Bu zaman
müşahidə etmişəm ki, şagirdlər bunu zərərlərindən xəbərsizdir. Uşaqlar məktəb
yaxınlığında və digər onlara yaxın ərazilərdə yerləşən mağazalardan siqareti
asanlıqla əldə edirlər. Bu da onlara daha bir rahatlıq yaradır. Siqaretdən
imtina etməyi, sağlam yaşamağı düşünə bilmirlər. Çünki bu sahədə onların təcrübələri
azdır. Uşaqlar arasında passiv siqaret çəkmə halları da yaşanır. Bu hal əsasən
qrup halında siqaret çəkdikdə yaşanır. Orada siqaret çəkənlər aktiv formada, çəkməyənlər
isə siqaretin tüstüsunü qəbul edərək passiv formada bundan istifadə edirlər.
Onların yanlarında siqaretin çəkilməsi, onların siqaret almağa göndərilməsi
uşaqlıarın siqaretə olan marağını oyadır. Bəzi ailələr siqaretin zərərlərindən
uşaqlarına bəhs etmirlər və ya bəhs etsələr də, buna qarşı təbliğatı düzgün
qura bilmirlər. Nəticə etibarı ilə uşaqlar bu arzuolunmaz vərdişin aludəçisinə
çevrilir. İstər valideynər, istərsə də müəlimlər uşaqlara siqaretin
praflaktikasını keçməlidir. Onları uşaq yaşlarından bu xoşagəlməz vərdişdən
uzaq tutmalıdırlar. Bir neçə ildir ki, 30 dan çox orta məktəbdə "Məktəblinin
dostu” layhiəsi var. Layihə ilə əhatə edilən 80% məktəblərdə siqaret çəkilməsi
kəskin azalıb. Burada cərimə ilə nəyəsə nazil olmaq çətindir, maarifləndirmə
işlərinə daha çox yer vermək lazımdır”.
Deputat Tahir Rzayev isə açıqlamasında bildirib ki, hər
bir valideyn ilkin olaraq evdə siqaretə qarşı təbliğat işləri aparmalıdır. Ən
başlıca isə valideynlər bu haldan özlərini çəkindirməlidirlər. Əgər uşaq evdə
görürüsə valideyn siqaret çəkir və bu zaman öz beynində bu işin yaxşı bir şey
olduğunu formalaşdırır. Mütləq uşaqlarla
siqaretin ziyanları barəsində danışıqlar aparmaq lazımdır. Siqaret cəmiyyət
üçün, orqanizm üçün ziyanlıdır. Digər tərəfdən məktəblərdə siqaretə qarşı təbliğat
işləri aparılmalıdır. Mən bu mövzü ilə bağlı danışanda çox təəssüflənirəm.
Çünki Azərbaycanda artıq "siqaret çəkmə” çox cavanlaşıb. Hətta məktəbli və gənc
qızların siqaretə qarşı bir aludəçiliyi yaranıb.
Bu mövzü ilə bağlı hər dəfə Milli Məclis iclaslarında
müzakirələr gedib ki, məktəblərə yaxın ərazilərdə və köşklərdə siqaret satışı
qadağan olmalıdır. Eləcə də gənclərin, uşaqların kütləvi toplaşdığı yerlərdə
siqaretin satışı ləğv olunmalıdır. Bununla əlaqədar müəyyən qanunvericilik
aktlarına dəyişiklik olub. Cərimələr tətbiq olunub. Müəyyən tələblər qarşıya
qoyulub ki, bu sahədə olan adamlar inzibati cəzalara məhkum olunsun. Onu da
qeyd etmək istəyirəm ki, qanun hər şeyi həll etmir. Qanun müəyyən qaydaları
hüquqi tərəfdən tənzimləyir. Ancaq hər bir vətəndaş başa düşməlidir ki,
siqaretin nə qədər böyük ziyanı var və bu geniş təbliğ olunmaldır. Bir sözlə vətəndaş
bu mövzuda təbliğatçı olmalıdır. Xarici filmlərə baxanda görürük ki, siqaret çəkilən
hisslər dumanlı formada göstərilir. Doğrudur bizim ölkədə də siqaretə qarşı təbliğatlar
aparılır amma niyəsə siqaret çəkənlərin sayı artır.
Elə məsələr var ki, onu qanunlar yox insanın öz düşüncəsi
təbliğ etməlidir. Ziyanla xeyri dərk edib, başa düşməlidir. Qanunlar onu dərk
edib əməl edən şəxslər üçündür. Uşaqlar isə bu qanunları dərk etmirlər. Uşağın əsas
qanunu evində aldığı tərbiyədən başlamalıdır. Əsl valideyn övladının hərəkətlərinə
nəzarət etməlidir.
Psixoloq Gülnar Orucovanin məsələyə bu cür yanaşdı ki: "ümumiyyətlə
birinci bilmək lazımdır ki, uşaqlar niyə siqaret çəkir?
Bəzən normadan artıq
özgüvən əksikliyi yaşayanda, ailədə davamlı şiddətə məruz qalanda, uşaqlarda
modaya ayaq uydurmaq üçün, bundan əlavə dostlarının yanında özünü böyük göstərmək
üçün siqarətə maraq yaranır. Bəzi uşaqlar var ki, hətta soruşanda cavab verir
ki, böyüyəndə atam kimi siqaret çəkəcəm. Yəni siqaret çəkməyi o öz böyüyündən
gördüyü üçün düşünür ki, siqaret çəkmək böyüməyin ilkin əlamətlərindən biridir.
Buna görə də siqaret çəkməyə maraqlı olurlar. Siqaret çəkən uşağların valideynlərində təhqir, alçatmaq və ağır cəzalar kimi çıxış yolları olur.Amma bu yalnış
metoddur. Əgər biz uşağa "olmaz” deyiriksə bu zaman bunun niyə olmazını izah
etməliyik. Bizdə olmaz kəlməsinin açıqlaması olmadığı üçün bu cür hallar
yaşanır. Xaricdə fikir versək görərik ki, siqaretdən əziyyət çəkən insanları
dispanserlərə aprarırlar ki, müalicə alıb bu vərdişdən xilas olsunlar. Və
sağlam düşüncəyə qayıtdıqdan sonra ona sual verirlər ki, siz yenidən siqaret çəkmək
istəyirsizmi?
Azərbaycanda isə belə bir təcrübə yoxdur.Və yaxud biz
düşünürük ki, nəyi isə qadağan edəcəyik. Hansısa cəza və cərimə yolu ilə bu məsələni
həll edəcəyik. Əslində isə bu yalnış yoldur. Azərbaycanda uşağlara və ya böyüklərə
siqarəti atmaq üçün dəstək olan bir qurum yoxdur. Bəzən deyirlər ki, uşaq
siqaret çəkməyi atasından görüb həvəsli olub. Amma bəzi elə ailələr var ki,
orada heç uşağın böyükləri siqaret çəkmir amma uşağ ətrafındakı təsirlərdən
siqaret çəkməyə maraqlı olur.
Bunun qarşını necə almaq olar sualına gəlincə isə deyə
bilərəm ki, ilk növbədə olmaz dediyimiz şeyin səbəbini açıqlamlıyıq ki, bu niyə
olmaz. İkinci siqaret çəkən uşaqları siqaretdən əziyyət çəkən xəstəlik tapan
insanlarla üzləşdirmək lazımdır ki,
görüsünlər ki, nəticə necə olur. Mən əminəm ki, o halda uşaq özü üçün ən doğru
qərarı o zaman verə biləcək. Daha sonra sosial çarxlar çəkilməlidir. "Siqaretə
yox deyək!” adlı çarxlar yayımlanmalıdır.
Necə ki, ölkədə lazımsız xəbərlər sürətlə
yayımlanır və insanların real həyatında öz əksini tapır, eləcə siqaretin zərər
vurduğu fəsadları çəkib hər kəsə çatdırmaq lazımdır. Daha sonra siqaretin ədədlə
satılmasını qadağan etmək lazımdır.Ən əsası isə elə bir qurum yaranmalıdır ki,
siqareti atmaq istəyən adam o quruma müraciət edib kömək istəməlidir. Ailələrdə
valieynlər mümkün qədər siqaret çəkməməlidir. Daha sonra bizdə bəzi mental
çıxışlar var ki, "kişinin başının üstündən tüstü qalxar” bu düşüncələrdən
uzaqlaşmalıyıq. Bu cür real olan bütün səbəblərdən özümüz öz düşüncələrimizi
xilas etsək məncə bu problemdən xilas ola bilərik”.
Gülnar Nazimqızı
www.anews.az
Bizi sosial şəbəkələrdə izləyin !