Vardanyanın şikayəti barədə qərar verilib

Bakı Apellyasiya Məhkəməsi Qarabağ separatçılarının keçmiş "dövlət naziri" Ruben Vardanyanın həbs müddətinin uzadılması qərarına qarşı verdiyi şikayəti rədd edib.

Anews.az-ın məlumatına görə, Vardanyan və onun vəkili həbs qərarının ləğv edilməsini xahiş edib. Lakin Hakim Qədim Babayevin sədrliyi ilə keçirilən məhkəmə işi araşdıraraq şikayəti əsassız hesab edib.

18 oktyabr tarixində məlum olub ki, Bakı Səbail Rayon Məhkəməsi Vardanyanın həbs müddətini uzadıb. Cinayət işi çərçivəsində Ermənistan vətəndaşı Ruben Vardanyanın (1968-ci il təvəllüdlü) Azərbaycan Respublikası Cinayət Məcəlləsinin 214-1-ci maddəsi (terrorçuluğun maliyyələşdirilməsi), 279.3-cü maddəsi (qanunsuz silahlı birləşmələrin və ya qrupların yaradılmasında və fəaliyyətində iştirak) və 318.1-ci maddəsi (Azərbaycan Respublikasının dövlət sərhədini qanunsuz keçmə) ilə nəzərdə tutulan cinayətləri törətdiyinə dair əsaslı şübhələr müəyyən edilib.