İstanbul Memorial Klinikasında rəhmətə gedən Nərmin Hüseynlinin bacısı danışdıÖtən həftə Türkiyədə müalicə olunduğu İstanbul Memorial Klinikasında rəhmətə gedən Nərmin Hüseynlinin bacısı danışdı. ANS PRESS-in məlumatına görə, Mehim Hüseynli vəfat etdiyi 17 yaşlı bacısının müalicəsi üçün aksiyalardan yığılan pullardan qalanını kimə verdiyi barədə açıqlama verib. O, şəxsi Facebook səhifəsində yığılan miqdardan qalan 52.608 AZN pulu qaraciyər xəstəliyindən əziyyət çəkən bir xanıma müalicəsi üçün bağışlandığını bildirib. Mehim xanım şərh yazaraq bildirib ki, Nərminin hesabı ləğv olunub və onun hesabından pul həmin xəstə xanıma köçürülüb. Bununla yanaşı Mehim hesabın köçürülmə çekinin də fotosunu sosial şəbəkədə paylaşıb. Əlavə olaraq Nərminin bacısı bu günə qədər bacısına xərclənən pulların çeklərin fotosunu sosial şəbəkədə paylaşıb. Bu günə qədər onlara kömək edən hər bir insana təşəkkürünü bildirib. "Digər klinikaya çıxan ümumi xərc 70 min dollara yaxındı və biz gedəndə təyyarə qiymeti 11.500 avro idi. Bacımın cənazesinə 960 avro ödənilib ki, bunu da paylaşacam. Başqa bu qədər. Sabah da bununla bağlı xəstə qızın ailəsi və mən video rolikə çəkiləcəyik. Kömək edənlər çox sağ olun. Qalan pul son qəpiyinə kimi xəstə qıza maddi yardım edildi. İndi isə məndən əl çəkin daha. Məndə pul yoxdur. Nə itirdiyim bacımın, nə halallıqla yığılan pulların, nə də kömək edən insanların adına ləkə salmayın! Çox təəssüf ki, mən bacımın cənazəsini belə götürməmiş vicdansızlar artıq pulu düşünürdü. Çox təəssüf! İndi isə imkan verin bacımın yasını saxlayaq! Mənim başqa sözüm yoxdur. Sabah isə hesabı deaktiv edəcəm. Bu qədər!"ANN.Az