Vəkil dindarlar tərəfindən təhdid edilir - FOTO

"Mən Vəkillər Kollegiyasının üzvüyəm. Buna görə də əlaqələrim hər kəsə açıqdır. Telefon nömrəmi də buna görə rahatlıqla tapıb zəng edirlər. Gün ərzində də dindarlar müxtəlif nömrələrdən yığaraq məni öldürmək ilə şantaj edirdi. Bəziləri isə döyəcəyini deyib", - o qeyd edib. 

 

Mehman Muradlı gün sonuna kimi məsələ barədə Daxili İşlər Nazirliyinə müraciət edəcəyini deyib. Vəkil bu gün dindarların Londondakı Azərbaycan səfirliyinə hücumu barədə müxtəlif paylaşımlar etmişdi. 

 

Cari il avqustun 4-də Azərbaycan Respublikasının Böyük Britaniya və Şimali İrlandiya Birləşmiş Krallığındakı səfirliyinin hücum olub.  Bir qrup dindar ərəbcə yazılan şüarlarla səfirliyin balkonuna çıxıb, Azərbaycan bayrağını yerə salıb, dini şüarlar səsləndirib. Hücum zamanı Azərbaycan Prezidenti İlham Əliyev və keçmiş prezident Heydər Əliyevin şəkilləri, eləcə də dövlət bayrağı tapdalanıb.  Məsələ sosial şəbəkə seqmentində geniş müzakirələrə səbəb olub. 

  

Azərbaycan Respublikasının Cinayət Məcəlləsinin 134-cü maddəsinə görə, öldürməklə və ya sağlamlığa ağır zərər vurmaqla hədələmə, hədənin icra ediləcəyi üçün real əsaslar olduqda iki yüz manatdan beş yüz manatadək miqdarda cərimə və ya iki ilədək müddətə islah işləri və ya iki ilədək müddətə azadlıqdan məhrum etmə ilə cəzalandırılır.