Vergidən azadolmalar heç bir halda rəqabəti pozmamalıdır - Deputat

Vergidən azadolmalar heç bir sektorda rəqabəti pozmamalıdır. Bunu deputat Vüqar Bayramov deyib.

"Bəzi sahələr var ki, şəxs həm özəldə çalışır, həm də dövlət müəssisəsində. Nəticədə eyni sahə üzrə özəl sektorda vergi vermir, amma dövlət müəssisində vergi ödəməlidir. Nəticədə dövlət sektoru bu istiqamətdə uduzmuş olur və rəqabət pozulur. Praktik olaraq rəqabətin pozulması neqativ təsir yaradır. Bu məsələnin qanunda nəzərdə alınsın”, - deputat aprelin 2-də Milli Məclisin əmək və sosial siyasət komitəsində iclasında çıxışında deyib.

Komitə sədri Bayramova cavab olaraq söyləyib ki, özəl sektorun vergidən azad olunması müvvəqətidir və bu sahəyə dəstək kimi nəzərdə olunan layihədir.

"Bu özəl sektorun stimullaşdırılması üçün nəzərdə tutulan layihədir. Özəl və dövlətin xərcləri fərqlidir. Dövlətdə olan bütün xərclər dövlət büdcəsindən ödənir. Özəldə isə bütün bunlar özü qazanıb icra etməlidir”, - o söyləyib. 


Gülnar Nazimqızı 
www.anews.az