Veysəloğlu
MMC şirkəti tərəfindən bütün növ qida və qeyri qida məhsullarını ölkəyə idxalı
zamanı satış kanallarına çıxarılmadan öncə hər partiyadan nümunələr götürülür və
Azərbaycan Qida Təhlükəsizliyi Agentliyinin (AQTA) müvafiq laboratoriyasında müayinə
edilməsi üçün agentliyə təqdim edilir.
AQTA
tərəfindən uyğunsuzluq aşkar edildiyi andan məhsulun növündən asılı olaraq
satışa yararsız kimi qeydiyyata alınır və "Utilizasiya” (məhvetmə) prosesi həyata
keçirilir. Həmçinin, prosesin davamı olaraq istehsalçı şirkətə məhsulun keyfiyyət
göstəricilərinə ciddi riayət edilməsi ilə bağlı xəbərdarlıq edilir. Yalnız AQTA tərəfindən satışa yararlılıq
sertifikatı təqdim edildikdən sonra məhsullar satışa çıxarılır.
25 ildən artıqdır qeyri-neft
sektorunda fəaliyyət göstərən və ölkə iqtisadiyyatında aparıcı mövqeyə sahib Veysəloğlu
MM bir çox dünya brendlərinin, həmçinin yerli fabriklərin Azərbaycanda rəsmi
distribüterliyini həyata keçirir.
Qeyd edək ki, martın 31-də AQTA məlumat yayıb ki, Veysəloğlu MMC tərəfindən Rusiya Federasiyasından ölkəmizə idxal edilən 300 kq dondurulmuş toyuq qiyməsi məhsul partiyasından götürülən nümunələrdə patogen mikroorqanizm olan salmonella aşkar edilib.
www.anews.az
Bizi sosial şəbəkələrdə izləyin !