UEFA Çempionlar liqasının üçüncü təsnifat mərhələsində Macarıstan liqasının qalibi "Ferençvaros" "Qarabağ"ın öhdəsindən asanlıqla gələcək və qalib olacaq. Bunu Rusiyanın "ÇSKA" futbol klubunun sabiq müdafiəçisi Vladimir Ponomarev Stanislav Çerçesovun rəhbərlik etdiyi "Ferençvarosun" Çempionlar Liqasının 3-cü təsnifat mərhələsinə çıxmasını şərh edərkən deyib.
"Böyük həmkarım Stanislavın "Legiya” komandası ilə də təcrübəsi olub. Polşa çempionatında bu klubu birinci yerə çıxarıb. Ona görə də təəccüblü heç nə görmürəm. Stanislav belə komandalarla necə işləməyi çox gözəl bilir", - o deyib.
2-ci təsnifat mərhələsində səfərdə İsveçrənin "Zürix" komandasını ümumi hesabla 5:4 geridə qoyan"Qarabağ"ın ilk oyunu avqustun 3-də keçiriləcək.
UEFA Çempionlar Liqasında 2022/2023 mövsümünə iyunun 21-də start verilib.
Fərid Məmmədli
www.anews.az
Bizi sosial şəbəkələrdə izləyin !
