Övladını vegan kimi qidalandıran cütlüyə 18 ay həbs cəzası verilib

Anews.az xarici mətbuata istinadən xəbər verir ki, Avstraliyada bir ailə körpələrini qeyri-kafi qidalandırma səsbəbi ilə cəza alıb. Məhkəmə qeydlərinə görə ailənin övladı 19 aylıq olduğu halda 4 kilo 890 qram çəkisi olduğundan 3 aylıq körpəyə oxşayır.
Körpənin protein çatışmazlığından dişləri çıxmayıb. Həkimlərin sözlərinə görə uşaq xəstəxanaya gətirildiyində dodakları göyərmiş, qanında şəkərin miqdarı aşağı olub. Əzələləri öz elastikliyini itirmiş vəziyyətdə olub.

Valideynlərin 18 aylıq həbs cəzası 300 saat ictimai xidmət göstərməklə əvəzlənib. Övladları isə Sosial Xidmətlər müəssisəsinin nəzarətinə verilib.
Vegeterianlıq "sağlam həyat” anlamını özündə ehtiva edən bir yaşam formasıdır. Vegeterianlar ət yeməyən insanlardır. Vegeterianlar arasında süd və yumurta kimi qidalardan istifadə edən insanlar olsa da, vegan həyat tərzi yaşayanlar heyvan mənşəli bütün qidalardan və məhsullardan imtina edirlər.

Ölkəmizdə də vegeterian və vegan qidalanan insanların sayı günü-gündən artır. Bəs görəsən, uşaqları vegan və ya vegeterian qidalandırmaq doğrudurmu? Sualımızı pediatr Gülnar Abdullayeva cavablayıb. Pediatrın sözlərinə görə uşaqların qida rasiyonunun zənginliyinə diqqət göstərmək lazımdır. Bir çox hallarda qan azlığı zamanı qırmızı ətin yedirdilməsi vacib hesab olunur. Düzdür, elə uşaqlar var ki, ət sevmirlər. Məcbur yedirtmək də doğru deyil. Amma ət, yumurta, süd məhsulları uşaqların inkişafı üçün vacib minerallar, vitaminlərlə zəngindir. Buna görə böyüməkdə olan orqanizmə bu cür məhdudiyyətlər qoymaq düzgün deyil.(bizimyol)

www.anews.az