Türk diplomatın avtomobilini yandırdılar

Yunanıstanda Türkiyə Konsulluğunda çalışan diplomatın avtomobili naməlum şəxslər tərəfindən yandırılıb.

Yeniavaz.com İHA-ya istinadla xəbər verir ki, Yunanıstanda gecə saatlarında türk diplomatın avtomobilini yandırıblar. Hadisə yerinə polis və yanğınsöndürən avtomobillər çağrılıb. Qısa müddət sonra türk diplomat da həmin yerə gələrək hadisə ilə bağlı məlumat alıb.

 

Yunanıstan polisi təxribatçıların kimliyinin hələlik bilinmədiyini söyləyib. Faktla bağlı araşdırma aparılır.