Şoyqu danışıqlar üçün İstanbula gəlib

Rusiyanın müdafiə naziri Sergey Şoyqu iyulun 22-də Qara dəniz limanlarından Ukrayna taxılının daşınmasına dair saziş imzalamaq üçün İstanbula gəlib. Bu barədə "Haber Türk” telekanalı məlumat yayıb.

Türkiyə tərəfdən sazişi müdafiə nazirləri Hulusi Akar imzalayacaq.


TRT-nin məlumatına görə, müqavilənin imzalanma mərasimi saat 16.30-da (Moskva vaxtı ilə üst-üstə düşür) Türkiyə prezidentinin İstanbulun Dolmabaxça sarayındakı iş kabinetində baş tutacaq.

İclasda müdafiə nazirləri ilə yanaşı, Türkiyə prezidenti Rəcəb Tayyib Ərdoğan və BMT-nin baş katibi Antonio Quterreş də iştirak edəcək.

İyulun 13-də İstanbulda Birləşmiş Millətlər Təşkilatının (BMT) nümayəndələrinin, eləcə də Rusiya, Türkiyə və Ukrayna nümayəndə heyətlərinin iştirakı ilə Ukrayna taxılının Qara dəniz limanlarından çıxarılması ilə bağlı ilk danışıqlar keçirilib.

Görüşdən sonra BMT-nin baş katibi Antonio Quterreş Ukrayna taxılının tədarükünün bərpasına dair danışıqların "son dərəcə ümidverici” olduğunu, lakin yekun razılığın olmadığını bildirib.


www.anews.az