Rusiya taxıl müqaviləsini uzatmayacağını bildirib

 

"Biz mövqeyimizi bir daha təsdiqləyirik ki, beş sistemli problemin həllində heç bir irəliləyiş əldə olunmayıb.  Rosselxozbank-ın SWIFT-ə yenidən qoşulması, kənd təsərrüfatı texnikasının, ehtiyat hissələrinin və xidmətlərin idxalının bərpası, sığorta üzrə məhdudiyyətlərin aradan qaldırılması, limanlara girişə qoyulan qadağanın götürülməsi,Togliatti-Odessa ammonyak boru kəmərinin istismarı, qida və gübrə istehsalı, daşınması ilə bağlı Rusiya şirkətlərinin xarici aktivlərinin və hesablarının blokdan çıxarılması kimi məsələlər həll olunmadığı üçün   mayın 18-dən sonra Qara dəniz təşəbbüsünün daha da uzadılmasından söhbət belə gedə bilməz”, - Nazirliyin bəyanatında deyilir. 

 

Xarici İşlər Nazirliyi BMT Katibliyinin Ukrayna ərzaq məhsullarının ixracını nəzərdə tutan  Qara dəniz təşəbbüsü ilə bağlı daha bir press-relizinə diqqət çəkərək  burada məlumat və faktların təhrif edildiyini bildirib. 

 

BMT-nin mediaya verdiyi mesajın səbəbi taxıl müqaviləsi bağlandıqdan sonra ilk dəfə İstanbulda fəaliyyət göstərən Birgə Koordinasiya Mərkəzi (JCC) çərçivəsində yoxlamaların aparılmaması olub.

 

" Kiyev tərəfindən sazişlərdə nəzərdə tutulmuş ammonyak ixracının davamlı şəkildə bloklanması, həmçinin Rusiya-BMT memorandumunun icrasında hər hansı irəliləyişin olmaması BMT Katibliyinin press relizində öz əksini tapmayıb”, - XİN bildirib.

 

"Hazırda taxıl müqaviləsi çərçivəsində 1 milyon tondan çox ərzaq daşıyan 28 gəmi Türkiyənin ərazi sularında təftiş gözləyir. Lakin BMT-nin SKC-də təftiş planının formalaşdırılmasına cavabdeh olan işçiləri bu cür cədvəli tərtib etməkdən imtina edərək, ukraynalıların təşəbbüsü ilə gəmilərin qeydiyyata alınması ilə bağlı tələblərini dərhal dəstəklədilər", - diplomatik şöbədən məlumat verilib.