Seysmoloq İstanbuldakı zəlzələni region üçün təhlükə adlandırıb

İstanbulda gözlənilən güclü zəlzələ  25 milyondan çox insanın yaşadığı bütün Mərmərə bölgəsinə təsir edəcəyi üçün regional fəlakətə çevrilə bilər. Bu barədə türkiyəli seysmologiya professoru Haluk Eyidoğan məlumat verib.

Onun sözlərinə görə, elementlərin təsirini təkcə İstanbul sakinləri deyil, həm də Bursa, Çanaqqala , Tekirdağ, Kocaeli və Yalova da daxil olmaqla bir sıra qonşu vilayətlər hiss edəcək.

 "Bu əyalətlərdə, xüsusən də sahilyanı ərazilərdə insanların zəlzələyə hazır olması və dayanıqlı binaların inşası ilə bağlı narahat olması lazımdır",- o deyib. 

Aprelin 24-də türkiyəli seysmoloq Əhməd Ercan bildirib ki, aprelin 23-də Türkiyədə baş vermiş zəlzələ  2045-2075-ci illər arasında baş verəcək 7-7,2 bal gücündə daha böyük seysmik hadisənin xəbərçisidir.

Aprelin 23-də İstanbul ərazisində bir neçə zəlzələ baş verib. AFAD-ın məlumatına görə, ən güclüsü 6,2 bal gücündə olub. Yeraltı təkanlar hətta episentrdən 300 km aralıda, Ankarada hiss  olunub. Təcili yardım xidmətləri yüksək xəbərdarlıq rejiminə keçib. Bu fonda seysmoloqlar Celal Şenger və Naci Görür şəhərə yaxınlaşan “böyük zəlzələ” barədə xəbərdarlıq edərək , səlahiyyətliləri buna hazırlaşmağa çağırıblar.

Aytac