Aleksandar Vuçiç Qələbə paradında iştirak edəcək

Serbiya Prezidenti Aleksandar Vuçiç mayın 9-da Moskvada keçiriləcək Qələbə paradında iştirak edəcək.Bu barədə Serbiya Tərəqqi Partiyasının rəhbəri Milos Vuçeviç deyib.

“Serbiya Prezidenti mayın 9-da Moskvada olacaq. Aleksandar Vuçiçin böyük təzyiqlərə baxmayaraq, faşizm üzərində Qələbənin 80-ci ildönümünü qeyd etmək üçün Moskvada keçiriləcək Qələbə paradına qatılması vacibdir. Çünki onun qeyd etdiyi kimi, Serbiyanın orada öz yeri var”, - Vuçeviç bildirib.