Netanyahu Xamneini ölümlə hədələyib- SON XƏBƏRLƏR

17.06

 

İsrailin Baş naziri Benyamin Netanyahu İranla müharibə fonunda Ali Lider Əli Xameneyiyə qarşı mümkün sui-qəsdi şərh edərkən deyib ki,  “heç kim toxunulmaz deyil”.

 

O bildirib ki, müharibə şəxsi fədakarlıqlar tələb edir: “Oğlum hətta toyunu təxirə saldı”.

 

Netanyahu vurğulayıb ki, İsrail İranın nüvə silahı əldə etməsinə imkan verməyəcək.

 

O, həmçinin Donald Trampa təşəkkür edib və onu “İsrailin ən yaxşı dostu” adlandırıb.

 

__________

 

16.03

 

İranda “Bank SEPAH” və “Bank Pasargad”a qarşı kiberhücumlar nəticəsində bankların informasiya sistemlərinin fəaliyyətində nasazlıqlar yaranıb. Bu barədə İran mediası ölkənin müvafiq strukturlarına istinadla məlumat yayıb.

 

Mənbələrin iddiasına görə, hücumların İsrail tərəfindən həyata keçirildiyi ehtimal olunur.

 

---------

13.00

 

İranın elit hərbi birləşməsi – İran İslam İnqilabı Keşikçiləri Korpusu (SEPAH) İsrailə qarşı kamikadze dronlar və strateji raketlərlə genişmiqyaslı kombinə edilmiş zərbələr endirdiyini bəyan edib.

 

SEPAH-ın məlumatına görə, "Doğru vəd" əməliyyatının 14-cü mərhələsində İsrail ordusunun komanda-kəşfiyyat mərkəzi yüksək dəqiqliklə hədəfə alınıb.

 

Təşkilatın yaydığı bəyanatda deyilir ki,  “İsrail ordusu bütün hərbi mərkəzlərini boşaldıb və hava hücumundan müdafiə sistemlərini şəhərlərin mərkəzlərində, yaşayış binaları arasında yerləşdirib.”

 

Mehr agentliyi SEPAH-a istinadla bildirib ki, “İsrailin səması tamamilə müdafiəsizdir və orada təhlükəsiz bölgə qalmayıb.”

 

SEPAH İranın uzaq mənzilli, yüksək dəqiqlikli raket imkanlarının artıq bütün dünyaya nümayiş etdirildiyini bildirib.

________

10.13

 

İsrail Hərbi Hava Qüvvələrinə məxsus 40 qırıcı təyyarə İranda onlarla hərbi hədəfə zərbə endirib və 100-dən çox raket atıb. Bu barədə İsrail Müdafiə Qüvvələrinin (IDF) mətbuat xidməti məlumat yayıb.

 

Əməliyyat zamanı hədəflərin əksəriyyəti hərbi infrastruktur obyektləri və silah anbarları olub. Hadisə ilə bağlı əlavə təfərrüatlar açıqlanmayıb.

________

9.22

 

İran tərəfindən atılan raket İsrailin Beyr-Şeva şəhərində yerləşən Soroka xəstəxanasının binasına düşüb.

 

Nəticədə 30 nəfər xəsarət alıb. Bu barədə “Əl-Cəzirə” telekanalı məlumat yayıb.

 

İsrail mətbuatının yazdığına görə, İran İsrailə 30-a yaxın raket atıb. Raketin qalıqları Təl-Əvivin müxtəlif rayonlarına düşüb və bir neçə nəfər yaralanıb.

 

__________

8.52

 

İsrail İrana qarşı hava zərbələrinin yeni mərhələsinə başlayıb, hücumlar əsasən Tehrandakı və ölkənin qərbində yerləşən hərbi obyektlərə yönəlib. Bu barədə İsrail Müdafiə Ordusunun (İDF) nümayəndələri məlumat verib.

 

İDF-nin briqada generalı Efi Defrin bildirib ki, çərşənbə günü gün ərzində üçüncü zərbə dalğası İranın qərb bölgələrini hədəfə alıb.

 

“İsrail Hərbi Hava Qüvvələrinin təyyarələri 'yer-yer' tipli raketlərin yerləşdiyi anbarlar və buraxılış qurğuları üzərində uçuşlar həyata keçirir”, –  o qeyd edib.

 

Bundan əvvəl İDF məlumat yayaraq bildirmişdi ki, İsrailə məxsus 60 döyüş təyyarəsi Tehranda yerləşən 20-dən çox hərbi hədəfi vurub.

 

İsrail Müdafiə Ordusunun mətbuat xidməti əlavə edib ki, hava zərbələri İranın paytaxtı Tehranda və digər bölgələrdəki obyektlərə qarşı davam edir.

 

________

İsrail Hərbi Hava Qüvvələri İrana "üçüncü zərbə" dalğasına başlayıb.Bu barədə İsrail Müdafiə Ordusunun rəsmi nümayəndəsi, briqada generalı Efi Defrin brifinqdə bildirib.

 

"Zərbələrin üçüncü dalğası bir müddət əvvəl başlayıb və İranın qərb bölgəsinə yönəlib. İsrail Hərbi Hava Qüvvələrinə məxsus təyyarələr yer-yer raketləri olan buraxılış qurğuları və anbarların üzərindən uçur.

 

Qırıcılar əvvəllər vurulmuş ərazilərə yenidən daxil olmağa və oradan sursat çıxarmağa çalışan silahlıları (İran hərbçiləri - red.) hədəfə alırlar", - briqada generalı deyib.

 

22:10

 

İslam İnqilabı Keşikçiləri Korpusu (SEPAH) Tehranın ilk dəfə ikimərhələli ortamənzilli “Sacjil” ballistik raketini buraxdığını bildirib.Bu barədə “Tasnim” agentliyi məlumat yayıb.

 

16:00

 

İsrail Hərbi Hava Qüvvələri Tehranda Əli Xameneinin bunkeri yerləşən məhəlləni bombalayır. Bu barədə məlumatı İsrailin "9-cu Kanal"ı yayıb.

 

"NourNews" agentliyi isə İsrail aviasiyasının Tehranın şərq hissəsini də intensiv bombardman etdiyini xəbər verir.

 

Eyni zamanda, İran Müdafiə Nazirliyinin binasının da raket zərbələrinə məruz qaldığı bildirilir.

 

***

Xamenei müraciətində heç vaxt təslim olmayacağını bəyan edib. 

Ayatullah həmçinin ABŞ hədələyərək deyib ki, onların hər hansı müdaxiləsi bərpası mümkün olmayan ziyana səbəb olacaq. 

***

İkipartiyalı qətnamə ABŞ Konqresinə Donald Trampı İsrail və İran arasındakı münaqişəyə müdaxilə etməmək barədə xəbərdar edən qətnamə təqdim edib. Bu barədə Sky News xəbər verib. 

Sənədi respublikaçı Tomas Massi və demokrat Aleksandriya Okasio-Kortez hazırlayıb.

Konstitusiya ABŞ-ın icra hakimiyyətinə birtərəfli qaydada “müharibə aktları” törətməyə icazə vermir.

"Konqres İrana müharibə elan etmək üçün yeganə səlahiyyətə malikdir. İsrail və İran arasında davam edən müharibə bizim müharibəmiz deyil. Olsa belə, Konqres bu cür məsələlərə Konstitusiyamıza uyğun qərar verməlidir", - Massi deyib.

ABŞ hazırda İran-İsrail münaqişəsinə qoşulmağı düşünür. 

 

***

İranın Baş Qərargah rəisi Əbdülrəhim Musəvi israilliləri “canlarını xilas etmək üçün” Təl-Əviv və Hayfanı tərk etməyə çağırıb.Bu barədə “Al Alam” telekanalı məlumat yayıb.

“İndiyədək həyata keçirilən əməliyyatlar bir növ xəbərdarlıq olub. Təl-Əviv və Hayfadakı insanlara canlarını xilas etmək üçün əraziləri tərk etmələri barədə xəbərdarlıq edilib”, - deyə o bildirib.

 

10:29

İranın Silahlı Qüvvələrinə yeni təyin olunan baş qərargah rəisi Əli Şadmani İsrail ordusunu tərəfindən öldürülüb. Bu barədə İsrail mətbuatı yazıb. 

"Tehrana endirilən hava zərbəsi zamanı İsrail aviasiyası İran Silahlı Qüvvələrinin Baş Qərargah rəisi Əli Şadmanini öldürüb", - məlumatda deyilir. 

Şadmani İranın hərbi fövqəladə qərargahına rəhbərlik edib və İslam İnqilabı Keşikçiləri Korpusu və orduya nəzarət edib.

O, bir neçə gün əvvəl, sələfi Ələm Əli Rəşidin İsrailin zərbələri nəticəsində öldürülməsindən sonra bu vəzifəyə təyin edilmişdi. 

***

İsrail İranın Xarici İşlər Nazirliyinin binalarından birini hədəfə alıb.Bu barədə Xarici işlər nazirinin müavini Səid Xətibzadə bildirib.

“Hücum nəticəsində bir neçə həmkarım yaralanıb”, - XİN rəsmisi qeyd edib.

 

***

 

İsrailin zərbələri nəticəsində İran İslam İnqilabı Keşikçiləri Korpusunun (SEPAH) kəşfiyyat rəhbəri və onun Tehrandakı müavini öldürülüb.Bu barədə İsrailin Baş naziri Benyamin Netanyahu açıqlama verib.

 

***

 

İsrail Məşhəd hava limanını vurub.Bu barədə İsrail Hərbi Hava Qüvvələri məlumat yayıb.

Məlumata görə, hava limanı yaxınlığında yanacaq dolduran İran təyyarəsi partlayıb.

İsrailin zərbəsindən sonra Məşhəd hava limanında böyük yanğın başlayıb.

 

***

 

İran İsrail ərazisinə raket zərbəsi endirib.Bu barədə İran dövlət televiziyası məlumat yayıb.

Balistik raketlərin Təl-Əviv, Aşkelon və Hayfadakı hədəfləri vurduğu iddia edilir.

 

***

Tehranın mərkəzində partlayışlar baş verib.Bu barədə TASS məlumat yayıb.İsrail İran Kəşfiyyat Nazirliyinin binasını vurub.

 

***

İran bütün uçuşların dayandırılmasının müddətini  uzadıb.Bu barədə İRNA məlumat yayıb.

Bildirilib ki, İran bütün daxili və beynəlxalq uçuşların ləğvini iyunun 16-sı Bakı vaxtı ilə saat 02:30-a qədər uzadıb.

 

***

İranın İsrailə son  24 saatda hava hücumları nəticəsində 12 nəfər ölüb, 385 nəfər yaralanıb.Bu barədə İsrail Səhiyyə Nazirliyi məlumat yayıb.

 

***

İranın Təl-Əviv ətrafındakı yaşayış binasına endirdiyi raket zərbəsi nəticəsində azı 4 nəfər ölüb.Bu barədə  “Times of Israel” məlumat yayıb.

Məlumata görə, ölənlər arasında iki uşaq da var.

Daha 137 nəfər yaralandığı, təxminən 35 nəfərin itkin düşdüyü bildirilir.

 

***

İranın Silahlı Qüvvələri İsrail ərazisinə kütləvi raket hücumuna başlayıb.Bu barədə “Mehr” agentliyi məlumat yayıb.

Məlumata görə, raket buraxılışı Tehrandan həyata keçirilib.

***

İsrail Ordusunun hücumu nəticəsində İslam İnqilabı Keşikçiləri Korpusunun (SEPAH) Hava və Kosmik Qüvvələrinin Kəşfiyyat rəisinin müavini briqada generalı Xosrov Həsəni öldürülüb.Bu barədə TASS məlumat yayıb.

***

İran yaxın saatlarda İsrailə qarşı "ağır və dağıdıcı" hücumlar təşkil edəcək.Bu barədə İranın IRIB dövlət televiziyası məlumat yayıb.

 

***

İsrailin zərbələri nəticəsində 20-dən çox İran komandiri öldürülüb.Bu barədə İsrail Müdafiə Qüvvələri məlumat yayıb.

Qeyd olunub ki, əməliyyat kəşfiyyat məlumatlarına əsasən keçirilib.

Nəticədə, İranın Kəşfiyyat Xidmətinin rəhbəri Qulam Reza Mərhabi, “Yer - Yer” tipli raketlərdən istifadə üzrə ixtisaslaşan hərbi birləşmənin komandanı Məhəmməd Baqeri, İnqilab Keşikçiləri Korpusunun komandanı Əmir Əli Hacızadə və digər yüksək vəzifəli İran hərbçiləri zərərsizləşdirilib.

 

***

İranda daha üç nüvə alimi öldürülüb

 

İsrailin zərbələri zamanı İranın daha üç nüvə üzrə alim öldürülüb.Bu barədə "Tasnim" məlumat verir.

Agentlik öldürülən alimlərin adlarını açıqlayıb - Əli Bekai Kərimi, Mənsur Əsgəri və Səid Borci.

***

Təbriz şəhərində yenidən güclü partlayışlar baş  verib.Bu barədə İranın “Press TV” telekanalı məlumat yayıb.

***

İsrailin Tehrandakı “Camaran” yaşayış kompkeksinə zərbələri nəticəsində bina uçub, 60 mülki şəxs ölüb.Bu barədə İranın dövlət televiziyası məlumat yayıb.

Ölənlərdən 20 nəfəri azyaşlı uşaqlardır.

Hazırda 10 nəfərin cəsədinin dağıntılar altında olduğu qeyd edilib.

***

İsrailin zərbələri nəticəsində İranın Baş Qərargahının iki generalı öldürülüb

 

İsrailin endirdiyi zərbələr nəticəsində İranın Baş Qərargah rəisinin iki müavini - Mehdi Rəbbani və Qulam Rza Mehrabi öldürülüb.Bu barədə İran Silahlı Qüvvələrin Baş Qərargahının Rabitə və İnformasiya Mərkəzi məlumat yayıb.

***

İran İsraili müdafiə edəcək ölkələrin bazalarına hücum edəcək

 

İran ordusu İsrailə qarşı hücumları gücləndirmək niyyətindədir və onu müdafiə etmək qərarına gələn ölkələrin Yaxın Şərqdəki bazalarına zərbələr endirməyə hazırdır.Bu barədə CNN telekanalına yüksəkrütbəli İran rəsmisi bildirib.

“İsraili İranın edəcəklərindən qorumağa çalışan istənilən ölkə onun regional bazalarının və mövqelərinin yeni hədəflərə çevrildiyini görəcək”, - deyə İran rəsmisi bildirib.

 

***

İranın hücumundan sonra Təl-Əvivdə bina çöküb - Video

 

İranın son raket hücumu zamanı düşən raketlərdən biri Tel-Əvivdə hündürmərtəbəli yaşayış binasının çökməsinə səbəb olub.Bu barədə yerli KİV xəbər verir.

Hazırda xilasedicilərin şəhərin raket zərbələrinə məruz qalan ərazilərində axtarış-xilasetmə əməliyyatları apardığı bildirilir.

 

***

İsrail İranın raket hücumuna başladığını elan edib - Video

İranın İsrailə cavab hücumu nəticəsində paytaxt Tel-Əvivdə partlayışlar baş verib, ölənlər var.Bu barədə İsrailin təcili yardım xidməti məlumat yayıb.

İlkin məlumata görə, İrandan atılan raketlər nəticəsində Tel-Əvivdə Müdafiə Nazirliyinin qərargahı yaxınlığında yanğın baş verib.

***

İran İsrailə raket hücumuna başlayıb.Bu barədə yerli media məlumat yayıb.

Bildirilib ki,İrandan İsrailə doğru 100-dən çox ballistik raket atılıb.

 

20:53

İsrail İranın Fordodakı nüvə obyektinə zərbələr endirib - Video

 

İsrail İranın Fordo nüvə mərkəzinə zərbələr endirib.Bu barədə “Tasnim” məlumat yayıb.

 

19.23

 

ABŞ prezidenti Donald Tramp bildirib ki, İran rəsmiləri onunla əlaqə saxlayaraq Tehranın nüvə proqramı ilə bağlı razılığa gəlmək istədiklərini deyib.

 

“Onlar vaxtilə saziş imzalamaq fürsətini əldən verib. Ola bilsin, indi yeni bir fürsətləri olsun. Baxarıq”, —  Tramp NBC News-a müsahibəsində bildirib.

 

İsrailin hava zərbələrindən sonra məhz indi İranın sazişə maraq göstərməsinin səbəbi barədə suala cavab verən Tramp qeyd edib ki,  “onlar mənə zəng edib saziş haqqında danışmaq istəyirlər”.

 

_________

19.11

İsrail İran komandirlərinin zərərsizləşdirilməsini davam etdirir 

İsrailin hava hücumları nəticəsində İran İnqilab Keşikçiləri Korpusunun (SEPAH) Hava Hücumundan Müdafiə Qüvvələrinin komandanı Davud Şeyxiyan öldürülüb. Bu barədə İran mediası məlumat yayıb.

 

 

İsrail Müdafiə Qüvvələri (IDF) daha əvvəl bəyan edib ki, onların qırıcı təyyarələri SEPAH-ın yüksək rütbəli komandirlərinin olduğu komanda mərkəzinə kompleks hücum həyata keçirib.

 

Onların arasında SEPAH-ın Aerokosmik Qüvvələrinin komandanı Əmir Əli Hacızadə də olub.

 

______________

İran bütün daxili və beynəlxalq uçuşları dayandırıb

 

İranın Mülki Aviasiya Təşkilatı ölkədə bütün daxili və beynəlxalq uçuşların dayandırıldığını açıqlayıb.Bu barədə “Fars” agentliyi məlumat yayıb.

___________

18.36

İsrailin rəsmi hökumət təyyarəsi Afinaya köçürülüb 

 

 İsrail rəhbərliyinin rəsmi səfərləri üçün istifadə olunan hökumət təyyarəsi Afinada eniş edib, Yunanıstanın newsbreak.gr portalı məlumat yayıb.

 

 

Mənbəyə görə, "Sionun Qanadı" (Wing of Zion) adlanan təyyarə İranın mümkün cavab hücumu təhlükəsi fonunda təhlükəsizlik məqsədilə Yunanıstana göndərilib.

 

Daha əvvəl təyyarənin Kiprə göndərilə biləcəyi bildirilib, lakin yerli hakimiyyət orqanları bu məlumatı təkzib edib.

________

18.15

Fransa İsrailin özünü müdafiə hüququnu tanıyır - Makron

 

Fransa Prezidenti Emmanuel Makron İranın nüvə obyektlərinə aviazərbələrdən sonra Fransanın İsrailin özünü müdafiə hüququnu tanıdığını bəyan edib.

 

"Paris İsrailin təhlükəsizliyini təmin etmə və özünü müdafiə etmə hüququnu bir daha təsdiqləyir", – Makron X sosial şəbəkəsində yazıb.

 

O bildirib ki, Fransa İranın davam edən nüvə proqramını dəfələrlə pisləyib və bu istiqamətdə diplomatik addımlar atıb.

 

Makron tərəfləri maksimal təmkin göstərməyə və gərginliyi azaltmağa çağırıb.

 

______________

18.11

ABŞ İranın cavab zərbələri ehtimalı fonunda Yaxın Şərqə hərbi qüvvələr göndərir

 

 ABŞ İsrailin hava zərbələrinə cavab olaraq İranın mümkün hücumunun qarşısını almaq üçün hərbi qüvvələrini  Yaxın Şərqə yönəldir. Bu barədə Associated Press xəbər verir.

 

Məlumata görə, USS Thomas Hudner esminesi Şərqi Aralıq dənizi istiqamətinə hərəkət etmək  əmri alıb.

 

_________________

17.33

İsrail Azərbaycan sərhədi yaxınlığındakı hərbi obyekti bombalayıb 

 

İran mediasının məlumatına görə, İsrail Hərbi Hava Qüvvələri Azərbaycanın sərhədinə yaxın yerləşən Ərdəbil vilayətinin Xoruzlu kəndindəki hərbi radiolokasiya obyektinə aviazərbə endirib.

 

Zərbə İranın şimal sərhədi boyunca hava məkanına və hərəkətlərə nəzarət edən hərbi infrastruktura nadir bir müdaxilə kimi qiymətləndirilir.

 

İran rəsmiləri tərəfindən hadisə ilə bağlı hələlik rəsmi açıqlama və ya itkilər barədə məlumat verilməyib. Sosial şəbəkələrdə yayılan görüntülərdə partlayışlar və tüstü müşahidə olunur.

 

İsrail tərəfi hadisəyə dair şərh verməyib. Bu hücum, İsrailin İranın hərbi və nüvə obyektlərinə qarşı ölkəboyu həyata keçirdiyi daha geniş aviazərbə kampaniyasının tərkib hissəsidir.

-----------------------

17.07

İran dövlət mediası cümə günü bildirib ki, İsrailin gecə saatlarında endirdiyi hava zərbələri nəticəsində İran Silahlı Qüvvələrinin əməliyyatlar üzrə rəis müavini general-mayor Mehdi Rabbani həyat yoldaşı və övladları ilə birlikdə həlak olub.

 

İsrail mediasının məlumatına görə, İsrail Müdafiə Qüvvələri (IDF) İranın raket infrastrukturu üzrə dəqiq hədəflənmiş zərbələr həyata keçirib. Onlarla yer-yer tipli raketlərin buraxılış qurğuları və anbarları məhv edilib.

 

Məlumatlara görə, qərbi İranda zərbəyə məruz qalan obyektlərdən birində konteynerlərə yerləşdirilən xüsusi buraxılış qurğusu aşkarlanıb.

 

“Bütün münaqişə ərzində İran rejimi İsrail ərazisinə yüzlərlə yer-yer tipli raket buraxıb. Bu raketlərin məhv edilməsi İsrail vətəndaşlarının müdafiəsi baxımından həyati əhəmiyyət daşıyır”, –  İsrail mənbələri bildirib.

 

Mənbələr qeyd edir ki, İranın hava hücumundan müdafiə qabiliyyəti ciddi şəkildə zəifləyib.

 

Təbriz və Mehrabad şəhərlərində MiQ-29 təyyarələrinin anqarlarının məhv edilməsindən sonra yalnız bir “Tomkət” qırıcı batalyonunun fəaliyyətdə qaldığı bildirilir.

 

“İran rejiminin minlərlə kilometr məsafəni vura bilən raketləri mövcuddur. Bu silahların İran rejiminin əlində qalması region və dünya üçün təhlükə yaradır”, –  İsrail mediası xəbər verir.

 

Azərbaycanın İrandakı səfirliyi normal rejimdə işləyir

 

Azərbaycanın İrandakı səfirliyi normal rejimdə fəaliyyətini davam etdirir. Bu barədə Azərbaycan xarici işlər nazirliyinin sözşüsü Ayxan Hacızadə məlumat verib. 

_________

16.42

İsrailin Təbrizə zərbəsi nəticəsində 5 nəfər ölüb, 12 nəfər yaralanıb — İran mediası

 

İranın şimal-qərbində yerləşən Təbriz şəhərində İsrailin hava hücumu nəticəsində azı 5 nəfər ölüb, 12 nəfər isə yaralanıb. Bu barədə yarırəsmi Mehr xəbər agentliyi məlumat yayıb.

 

Hadisə barədə məlumatı Şərqi Azərbaycan vilayətinin fövqəladə hallar idarəsi təsdiqləyib.

 

İsrail tərəfi hücumla bağlı hələlik heç bir rəsmi açıqlama verməyib.

_____________

İsrail Hərbi Hava Qüvvələrinin hava hücumları nəticəsində İran İnqilab Keşikçiləri Korpusunun (“Sepah”) “Əl-Qüds” xüsusi təyinatlı qüvvələrinin komandanı, general Qasım Süleymaninin varisi olan İsmayıl Qaani öldürülüb. Onun ölümü əvvəlcə İsrail mediası tərəfindən, daha sonra isə İran rəsmiləri tərəfindən təsdiqlənib.

 

 

Bu arada, Qərbi İranda yerləşən Həmədan vilayətində partlayışlar qeydə alınıb. Məlumata görə, İsrail aviasiyası Kabudərhəngdəki Nocə hərbi hava bazasını hədəfə alıb.

 

Həmçinin, İsrailin cənubdakı Bəndər-Buşehr limanına hava zərbələri endirdiyi bildirilir. Daha sonra Təbriz şəhərində də partlayışlar baş verdiyi barədə məlumat yayılıb.

 

İsrail tərəfi hücumlarla bağlı hələlik rəsmi açıqlama verməyib.