İran hava məkanını 22 iyuna qədər bağlı saxlayacaq

İran hava məkanının həm daxili, həm də beynəlxalq uçuşlar üçün 22 iyun saat 14:00-a qədər bağlı qalacağını elan edib. Bu barədə cümə günü “Tasnim” agentliyi ölkənin aviasiya qurumlarına istinadla məlumat yayıb.

Qərar İsrail və İran arasında 13 iyunda başlayan raket hücumlarının davam etdiyi bir vaxtda verilib. Hər iki tərəf tələfat və zərər çəkmiş obyektlər barədə məlumat yayıb. Qarşılıqlı hücumlar davam edir.