Qətər hava məkanını bağlayıb

Qətər hakimiyyəti təhlükəsizlik səbəbi ilə ölkənin hava məkanını müvəqqəti bağlamaq qərarına gəlib.Bu barədə Qətər Xarici İşlər Nazirliyi “X” sosial şəbəkəsində məlumat yayıb.

“Qətər vətəndaşlarının, əcnəbi sakinlərin və turistlərin təhlükəsizliyini təmin etmək istəyinin bir hissəsi olaraq, müvafiq xidmətlər dövlətin hava məkanının bağlandığını elan edib”, - məlumatda deyilir.

Xarici İşlər Nazirliyi əlavə edib ki, bu tədbirlər Yaxın Şərq regionunda baş verən proseslər fonunda həyata keçirilib.