Putin–Tramp görüşü avqustun 15-də Alyaskada Bakı vaxtı ilə saat 23:30-da başlanacaq

 Rusiya Prezidenti Vladimir Putin və ABŞ Prezidenti Donald Tramp arasında görüş avqustun 15-də  Alyaskanın Ankoric şəhərində baş tutacaq. Görüş Bakı vaxtı ilə saat 23:30-da (yerli vaxtla 14:30) baş tutmalıdır. İlk pncə prezidentlər  təkbətək , daha sonra “5+5” formatında danışıqlar aparacaqlar. Bu barədə Rusiya Prezidentinin köməkçisi Yuriy Uşakov məlumat verib.

Görüşdə iqtisadi əməkdaşlıq və qlobal təhlükəsizlik məsələləri müzakirə olunacaq.

Reuters-in məlumatına görə, görüşdə Rusiya tərəfdən xarici işlər naziri Sergey Lavrov, müdafiə naziri Andrey Belousov, maliyyə naziri Anton Siluanov və Rusiya Birbaşa İnvestisiya Fondunun rəhbəri Kirill Dmitriyev iştirak edəcək.

ABŞ prezidenti Tramp görüşü “tanışlıq xarakterli” adlandırsa da, The Washington Post yazır ki, o, “ərazi əvəzində sülh” formulunu irəli sürmək və razılaşma alınmasa, sanksiyalar tətbiq etmək niyyətindədir.

Avropa rəsmiləri isə ABŞ-dan post-müqavilə və  təhlükəsizlik zəmanətləri gözləyir.

The Wall Street Journal-a görə, Tramp Zelenskinin görüşdə iştirakına qarşı çıxıb. Buna səbəb  danışıqların pozulacağından ehtiyat etməsidir.

N.Təbrizli