Alyaskada Putinə qarşı etiraz aksiyası keçirilib

 ABŞ-ın Alyaska ştatının Ankorec şəhərində Rusiya Prezidenti Vladimir Putinin ABŞ Prezidenti Donald Trampla keçirəcəyi görüş ərəfəsində şəhərdə etiraz aksiyası təşkil olunub.

Etirazçılar Ukraynaya dəstək nümayiş etdirərək şəhər küçələrində Ukrayna bayraqları və müharibə əleyhinə şüarlarla çıxış ediblər.

Bəziləri Putinin ABŞ-a səfərinə qarşı çıxıb, digərləri isə sammitin nəticələrinə skeptik yanaşdıqlarını bildiriblər.

Reuters-in məlumatına görə, oxşar aksiyalar ABŞ-ın digər ştatlarında da planlaşdırılır.

Etirazçılar arasında Ukrayna Prezidenti Volodimir Zelenskinin sammitə dəvət olunmamasından narazı olanlar da olub.

N.Təbrizli