Özbəkistan 12 illik təhsil sisteminə keçir

Özbəkistanda orta məktəblər mərhələli şəkildə on iki illik təhsil sisteminə keçəcəklər.Bu barədə Uzbekistan 24 telekanalına açıqlamasında ölkənin məktəbəqədər və məktəb təhsili nazirinin müavini Sərdor Rəcəbov məlumat verib.

Onun sözlərinə görə, məktəb sisteminə altıyaşlılar üçün hazırlıq ilini daxil edilməsi planlaşdırılır.

Bu, təhsilin keyfiyyətini yüksəldəcək və xarici universitetlərə daxil olan abituriyentlər üçün mövcud maneələri aradan qaldıracaq:

“Xarici ali məktəblərə daxil olarkən məzunlar bir il hazırlıq kursu keçmək məcburiyyətində qalırlar. Bu, bir il itki ilə nəticələnir. Əgər qanunvericiliyə 12 illik sistem tətbiq etsək, o zaman bəzi ölkələrdə məzunlarımızın baza kursu keçməsinə ehtiyac qalmayacaq və onlar birbaşa bakalavr pilləsinə daxil olmaq imkanı əldə edəcəklər”.