Venesuelada daha 80 siyasi məhbus azadlığa buraxılıb

ABŞ-ın təzyiqləri fonunda ölkənin müxtəlif həbsxanalarından ən azı 80 siyasi məhbus azadlığa buraxılıb. Bu barədə Venesuelanın aparıcı insan haqları təşkilatı Foro Penal məlumat yayıb. 

Təşkilatın direktoru Alfredo Romero bu rəqəmi tədricən azad edilən siyasi məhbusların ilkin siyahısından verilən hesab edir və identifikasiyanın davam etdirildiyini qeyd edib.

Foro Penal əvvəlki açıqlamalarında bildirib ki, 8 yanvardan bu yana, son dalğa istisna olmaqla, ümumilikdə 154–173 siyasi məhbusun azad olunduğu təsdiqlənib və bunların arasında daxili müxalifətdən bir çox nümayəndə, eləcə də xarici vətəndaşlar — o cümlədən beş İspaniya vətəndaşı da var.

Venesuelanın hazırkı müvəqqəti rəhbəri Delsi Rodrigez isə rəsmi açıqlamalarında dekabrdan bəri 626 və ya daha çox həbsxana sakininin buraxıldığını qeyd edib, lakin hüquq müdafiə təşkilatları bu rəqəmlərin şişirdildiyini bildirirlər.

Məhbusların azad edilməsi prosesi hökumət tərəfindən ABŞ-ın təzyiqi və beynəlxalq çağırışlar qarşısında həyata keçirilən addım kimi təqdim olunub, lakin hüquq müdafiəçiləri buraxılanların sayının az olduğunu və hələ də yüzlərlə siyasi məhbusun həbsdə qaldığını vurğulayırlar.

Aytac