ABŞ Oman körfəzində İran tankerini vurub

ABŞ hərbçiləri Oman körfəzində İran bayrağı altında hərəkət edən “Hasna” tankerini vurub. Bu barədə ABŞ Silahlı Qüvvələrinin Mərkəzi Komandanlığı (CENTCOM) "X" hesabında məlumat yayıb.

CENTCOM-un bildirdiyinə görə, İran limanına doğru hərəkət edən tanker mayın 6-da ABŞ qüvvələrinin çoxsaylı xəbərdarlıqlarına tabe olmayıb və buna görə məcburetmə tədbirləri tətbiq edilib.

Qurumun açıqlamasında qeyd olunub ki, ABŞ Hərbi Dəniz Qüvvələrinə məxsus F/A-18 “Super Hornet” qırıcı-bombardmançısı “Abraham Lincoln” aviadaşıyıcısından havaya qalxaraq tankerin sükan idarəetmə sistemini 20 millimetrlik top atəşi ilə sıradan çıxarıb.Nəticədə tanker hərəkətsiz vəziyyətə salınıb və İran istiqamətində hərəkətini davam etdirə bilməyib.