Şimali Kiprdə gəmi qəzası nəticəsində ölənlərin sayı 20-yə yüksəlib

Şimali Kipr Türk Respublikasının (ŞKTR) Girnə şəhəri sahillərində batan sərnişin gəmisində itkin düşənlərin axtarışı zamanı daha bir nəfərin meyiti aşkarlanıb.Bu barədə "TRT Haber" məlumat yayıb.

Məlumata görə, meyitin şəxsiyyətinin müəyyənləşdirilməsi üçün DNT analizi aparılır.

Bununla da qəza nəticəsində ölənlərin sayı 20-yə yüksəlib. Hazırda daha 8 nəfər itkin hesab olunur.

Qeyd edək ki, "Filo Jet" adlı sərnişin gəmisi avqustun 30-da Girnə ilə Mersinin Taşucu limanı arasında hərəkət edərkən qəzaya uğrayaraq batıb. Gəmidəki 239 nəfər xilas edilib.