Xamneyinin Təbrizdəki nümayəndəsi Urmu gölündən danışdı

Şəbüstəri həmçinin deyib ki, gölü qurtarmaq üçün proqramlar uzun müddətlidir və gözləniləndən də uzun müddət nəzərə alınıb. Əgər Tehranda baş verən fırtına Urmiyə gölü ətrafında baş versə daha dəhşətli təhlükələri olacaq. O Urmiyə gölünün həyatı olmasına da təkid edib.

GünAz.TV-nin xəbərinə görə, İran rəsmilərinin bu kimi açıqlamaları ancaq ictimaiyyətdə ümumi narazılıq artan zaman əhalini sakitləşdirməyə hesablanır.

İyunun 9-da Urmiyənin Ellərbağı parkında 20 nəfərə yaxın soydaşımız yaxalanıb. Bəzi məlumatlara görə, yaxalanan fəallar Urmiyənin “9 pillə” təcridxanasına aparılıb.

Məlumata görə, Yasir Əkbəri, Ruhullah Məzahiripur, Əmir İbrahimlu və Əta Kərimi tutulanlar sırasındadır. Onlar bundan öncə də təhlükəsizlik qüvvələri tərəfindən saxlanılıblar.

Xatırladaq ki, bundan öncə bir sıra azərbaycanlı fəal, ətraf-mühit tərəfdarı əhaliyə çağırış edərək, onları iyunun 10-da  Urmu gölünün qurudulmasına qarşı kütləvi etirazlar aksiyalarına dəvət etmişdilər. Həbslərin məhz bu çağırışlarla əlaqədar olduğu ehtimal edilir.