Xankəndində keçirilən "seçki" nəyi dəyişə bilər? - Şərh

 

Bildirilib ki, Xankəndində olan bir neçə "partiyalar" hazırkı "dövlət naziri" Samvel Şahramanyanın namizədliyini irəli sürüb. 

Beynəlxalq məsələlər üzrə şərhçi Əziz Əlibəyli deyir ki, Xankəndində keçirilən seçkini heç kim tanıya bilməz. 

 

"İllegal seçkidir. Suverenlik haqlarımıza ziddir və BMT prinsipinə görə, dövlətin ərazi bütövlüyünün pozulması prinsipinə ziddir. Ona görə də, normal dünya dövlətinin bunu tanıması imkansızdır amma bəzən olur ki, dünya diasporunun güclü puluna, maliyəsinə, hansısa 3-cü dünya ölkələrindən birinin belə yanlış bir addım atmasını təəcüblə qarşılamamalıyıq. Seçki nəyi dəyişdirəcək? 2020 müharibəsindən sonra ilk dəfədir belə bir seçki şousuna cəhd edirlər. Birincisi, Azərbaycan belə bir seçki şousuna icazə verməz. İmkan verilərsə də, Azərbaycanın 2020 müharibəsindən sonra əldə etdiyi dividentləri sıfırlayır. Və de-fakto hansısa seperatçı rejimin varlığının davam etməsinin sübutu olur. Amma tam şəkildə Azərbaycanın haqqı var ki, suveren hüquqlarını müdafiə eləmək üçün qondarma rejimi ləğv etsin. Çünki Azərbaycanın haqlı tərəfi həm də bölgədə seperatçıların və hərbçilərin yeni terrorçuların olması faktorudur", - şərhçi bildirib. 

 

Əlibəyli hesab edir ki, Azərbaycan ərazisində Azərbaycan dövlətindən konstitusiyon qurum olan seçki orqanlarından başqa heç kim digər ikinci-üçüncü dərəcəli qurumlar və təşkilatlar buna cəhd edənlər seçki keçirə bilməz.

 

Sentyabrın 1-də Qarabağda separtçı rejimin "prezidenti" Arayik Arutyunyan və "dövlət naziri" Qurgen Nersisyan istefa verib.  Artutyunyan istefa versə də ailəsi ilə Xankəndində yaşayacağını açıqlayıb. İstefa verən Araik Arutyanın yerinə Samvel Şahramanyan gələcəyi yazılmışdı.

 

Rabia Səfəroğlu