Dekabrın 6-da Azərbaycan xarici işlər nazirinin müavini Elnur Məmmədov ABŞ Dövlət Katibinin Avropa və Avrasiya məsələləri üzrə köməkçisinin müavini Coşua Hakı qəbul edib. Bu barədə Azərbaycan Xarici İşlər Nazirliyi məlumat verib.
Tərəflər Azərbaycan və ABŞ arasında ikitərəfli və çoxtərəfli əməkdaşlıq məsələlərini, həmçinin Azərbaycan və Ermənistan arasında münasibətlərin normallaşması prosesinin perspektivlərini müzakirə ediblər.
Azərbaycanın noyabrda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) ev sahibliyi etməsi çərçivəsində Azərbaycan-ABŞ əməkdaşlığı yüksək qiymətləndirilib.
Nazir müavini Elnur Məmmədov, post-münaqişə dövründə bölgədəki vəziyyət və Azərbaycanla Ermənistan arasında sülh sazişi üzrə aparılan danışıqlar barədə qarşı tərəfi məlumatlandırıb.
N.Təbrizli
www.anews.az
Bizi sosial şəbəkələrdə izləyin !
