Xarici valyutanın alqı-satqısı üzrə əməliyyatlar azalıb
09.08.2024 12:03
Azərbaycanda banklar 2024-cü ilin yanvar-iyununda ümumi məbləği 2,4 milyard ABŞ dolları məbləğində nağd xarici valyutanın alqı-satqısı üzrə əməliyyatlar həyata keçirib ki, bu da 2023-cü ilin birinci yarısının göstəricisindən 33,3% azdır. Bu barədə Mərkəzi Bankın "Pul Siyasəti İcmalı"da bildirilib.
Bu məbləğin 87,5 faizi ABŞ dollarının payına düşüb.
Nizamlayıcı həmçinin bildirib ki, bu ilin I yarısında Azərbaycan bankları ABŞ dollarını orta hesabla 1,6950 manatdan alıb, 1,7021 manata satıb.
Banklar hər 100 dolların alqı-satqısından 71 qəpik gəlir əldə edib ki bu da ötən ilin eyni dövrü ilə müqayisədə 2,9 % çoxdur.
Bir il bundan əvvəl banklar dolları 1,6955 manatdan alıb, 1,7024 manata satıb, bununla da, hər 100 dolların alqı-satqısından 69 qəpik gəlir əldə ediblər.
N.Təbrizli
www.anews.az
Foto 
Video 
