Xəzər TV-nin məşhur aparıcılarından olan Hacı Nuran Hüseynov hazırda Almaniyanın Dusseldorf şəhərində yerləşən Uniklinikada müalicəsinə davam edir.Oxu.Az xəbər verir ki,  “Xeyir körpüsü”, “Vətənimdir Azərbaycan” verilişlərinin sevilən aparıcısı xərçəng xəstəliyindən əziyyət çəkir və  xeyli müddətdir ki, müalicə üçün Almaniyaya yola düşüb.Teleaparıcı xəstəxanada çəkdirdiyi şəkilləri sosial şəbəkədə paylaşıb:“Hazırda Almaniyanin Dusseldorf şəhərində yerləşən  Uniklinikanin onkologiya şöbəsində müalicəmi davam etdirirəm, hər gün çoxsaylı həmyerlilərimiz məni ziyarət edir, mənəvi dəstək olurlar. Hamıya öz dərin təşəkkürümü bildirirəm. Xüsusən, Almaniya Azərbaycanlı Gənclər Birliyinin rəhbəri dostum, qardaşım Elnur Rixterə, müalicəyə başladığım ilk anlardan yanımda olduğu üçün ona çox minnətdaram. Allah razı olsun!”ANN.Az