XİN: İlk fürsətdə Los-Ancelesdəki Baş Konsulluq öz yerində fəaliyyət göstərəcək
20.01.2025 13:29
İmkan olan kimi Azərbaycanın Los-Ancelsdəki konsulluğu əvvəlki binasına köçürüləcək. Bunu Xarici İşlər Naziri Ceyhun Bayramov deyib.
"Yanğınlar səbəbindən binadan digər əraziyə konsulluq köçürülüb. Konsulluğun fəaliyyəti bağlanmamışdı. Əlaqə telefonları mövcud idi. Digər əlaqə vasitələri də var idi. Sadəcə başqa binaya köçürülmüşdü. Təhlükəsizlik üçün bu addım atılıb. İlk fürsətdə keçmiş yerində fəaliyyəti bərpa olunacaq",- Bayramov 20 Yanvar şəhidlərini ziyarət edərkən jurnalistlərə açıqlamasında vurğulayıb.
Yanvarın 7-də Los-Anceles dairəsində güclü meşə yanğınları başlayıb, ilk olaraq Sakit Okean Palisades sahil ərazisi təsirlənib. Sonra daha bir neçə yanğın baş verib. Qasırğa vəziyyəti daha da gərginləşdirir. Yanğın kranlarında su çatışmazlığı da yanğının söndürülməsinə mane olur.
180 minə yaxın insan evlərini tərk etmək məcburiyyətində qalıb, minlərlə bina yanıb.
ABŞ prezidenti Cozef Bayden böyük təbii fəlakət elan edib və ştata federal yardım göstərilməsi barədə göstəriş verib.
180 minə yaxın insan evlərini tərk etmək məcburiyyətində qalıb, minlərlə bina yanıb.
ABŞ prezidenti Cozef Bayden böyük təbii fəlakət elan edib və ştata federal yardım göstərilməsi barədə göstəriş verib.
Aytac Zeynalova
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
