Xoyda zəlzələ nəticəsində ziyan dəyən binaların sayı açıqlanıb
23.01.2023 12:10
Xoy mahalında baş verən zəlzələ nəticəsində 2100 evə zərər dəyib. Bu barədə Qərbi Azərbaycan əyalətinin Mənzil Fondunun baş direktoru Cəfər Bərzgər məlumat verib.
ABŞ-ın Geoloji Araşdırmalar Mərkəzi günortadan sonra saat 1:38-də baş verən zəlzələnin 5.8 bal, İran agentlikləri isə 5.4 bal gücündə olduğunu yazıb.
Məlumata görə, 138 evin tamamilə istifadəyə yararsız vəziyyətə düşdüyünü açıqlayıb.
Yanvarın 18-i yerli vaxtla saat 13:19 və 13:38 dəqiqədə qeydə alınan zəlzələ yerin 12 kilometr dərinliyində baş verib.
Soyuq havada çöldə və çadırlarda qalmağa məcbur olan xoylular, rəsmi iddiaların əksinə olaraq Qızıl Aypara Cəmiyyəti və başqa dövlət qurumlarının onlara yardım etmədiklərini bildirirlər.
Sosial mediada paylaşım edən və vəziyyətləri ilə bağlı videolar paylaşan vətəndaşlar yardımla bağlı rəsmi mediada yayılan məlumatların həqiqəti əks etdirmədiyini qeyd edirlər.
Zəlzələ nəticəsində 17 kənddə təqribən 500 yaşayış vahidinə ziyan dəydiyi bildirilib.
Zəlzələnin Təbriz də daxil olmaqla, yaxın şəhərlərdə də hiss edildiyini qeyd ediblər.
Aytac Zeynalova
www.anews.az
Oxşar xəbərlər
Oxşar xəbərlər
Foto 
Video 
