Xroniki böyrək çatışmazlığının əlamətləri açıqlanıb

22:30 | 14.01.2022
Xroniki böyrək çatışmazlığının əlamətləri açıqlanıb.
 
Bu barədə Akademik M.C.Cavadzadə adına Respublika Klinik Uroloji Xəstəxanasının direktoru Fariz Babayev məlumat verib.
 
Onun sözlərinə görə, bu xəstəlik adətən baş ağrıları, zəiflik, iştahsızlıq, qaşınma, oynaqlarda ağrı və ürəkbulanma halları ilə özünü büruzə verir: "Laborator müayinələr zamanı xəstədə bu əlamətlərin hansı səbəbdən baş verməsi və böyrək xəstəliyi ilə əlaqəli olması müəyyən edilir. Adətən, bu əlamətlər böyrək çatışmazlığına spesifik olur”.
 
F.Babayev bildirib ki, böyrək çatışmazlığına səbəb olan əsas faktorlar iki qrupa bölünür. Onun sözlərinə görə, bunun birincisi bilavasitə böyrək xəstəlikləri ilə nəticəsində yaranan böyrək çatışmazlığı, ikincisi isə qazanılmış böyrək çatışmazlığıdır: "Bu da indi sosial bəlaya çevrilən şəkərli diabet, arterial hipertoniya xəstəliyi nəticəsində baş verir. Bəzi ağciyər xəstəlikləri və bir sıra zəhərlənmələr də böyrək çatışmazlığına səbəb ola bilər”.

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb