Yalçın Rəfiyev səlahiyyətli nümayəndə təyin olunub
11.11.2024 21:46
Yalçın Rəfiyev COP29 prezidentinin COP30-a ev sahibliyi edəcək ölkənin seçilməsi üzrə səlahiyyətli nümayəndəsi təyin edilib.
Bu qərarı COP29-un açılışından sonra keçirilən plenar iclasda prezidenti Muxtar Babayev bildirib.
Bu gün BMT-nin İqlim Dəyişikliyi üzrə Çərçivə Konvensiyasının (COP29) Tərəflər Konfransının 29-cu sessiyasının açılışı baş tutub.
Noyabrın 22-dək Bakı Stadionunda keçiriləcək COP29 Azərbaycanın bu günədək təşkil etdiyi ən nəhəng tədbirdir və regionda ilk dəfə Azərbaycanda baş tutur.
COP29 çərçivəsində ən yüksək səviyyəli tədbir – Dünya Liderlərinin İqlim Fəaliyyəti Sammiti noyabrın 12-13-də təşkil olunacaq.
COP29 Sədrliyi tərəfindən iqlim fəaliyyəti ilə dayanıqlı inkişaf məqsədləri arasında əlaqəni ehtiva edən, yaşıl enerji dəhlizləri, yaşıl enerji saxlancları, iqlim dayanıqlılığı üçün harmoniya, təmiz hidrogen, orqanik tullantılarda metanın azaldılması, yaşıl rəqəmsal fəaliyyət və digər mövzuları əhatə edən 14 təşəbbüs irəli sürülüb.
www.anews.az
Oxşar xəbərlər
Oxşar xəbərlər
Foto 
Video 
