“Yanmış binada mənzili olan ailələrin hər birinə 15 min manat ayrılıb”
01.06.2015 15:15
Xətai rayonunda yanmış binada mənzil sahibi olan ailələrin hər birinə 15 min manat vəsait ayrılıb.
Bunu APA-ya açıqlamasında Bakı Şəhər İcra Hakimiyyətinin başçısı Hacıbala Abutalıbov deyib.
Bu məqsədlə 1 milyon manat ayrıldığını açıqlayan H. Abutalıbov deyib ki, həmin binanın sakinləri bununla bağlı bu gündən başlayaraq Xətai rayon İcra Hakimiyyətinə müraciət edə bilərlər.
H. Abutalıbov qeyd edib ki, bu binada vəfat edənlər və xəsarət alanlar olmayıb, buna görə də hər bir ailəyə bərabər miqdarda – yəni 15 min manat vəsait veriləcək.
Xatırladaq ki, bu il aprelin 10-da Bakının Xətai rayonunda Zığ şossesi, 16 ünvanında doqquzmərtəbəli yaşayış binasında güclü yanğın olub.
Bina hazırda dözlət hesabına təmir olunur.
www.ann.az
Foto 
Video 
