Yasamalda qəza olub,avtomobildə sıxılı vəziyyətdə qalmış şəxs xilas edilib - VİDEO
03.07.2024 18:31
Paytaxtın Yasamal rayonu ərazisində Kənar Dairəvi yolda yol-nəqliyyat hadisəsi baş verib.Bu barədə FHN məlumat yayıb.
Nazirliyə qəza zamanı vətəndaşın avtomobildə sıxılı vəziyyətdə qalması barədə məlumat daxil olub.
Məlumatla əlaqədar hadisə yerinə dərhal FHN-in Xüsusi Riskli Xilasetmə Xidmətinin xilasediciləri cəlb edilib.
Hadisə yerində əməliyyat şəraiti qiymətləndirilərkən müəyyən olunub ki, "CHERY” markalı minik avtomobilinin idarəetməni itirməsi nəticəsində yol-qəza hadisəsi baş verib və sürücü deformasiyaya uğramış avtomobildə sıxılı vəziyyətdə qalıb.
Xilasedicilər xüsusi vasitələrin köməyi ilə avtomobildə sıxılı vəziyyətdə qalan sürücünü xilas edərək təcili tibbi yardım briqadasına təhvil veriblər.
Hadisə ilə əlaqədar müvafiq qurumlar tərəfindən təhqiqat aparılır.
www.anews.az
Oxşar xəbərlər
Oxşar xəbərlər
Foto 
Video 
