Səudiyyə Ərəbistanında Yeni Krala biət mərasimləri keçirilir.
ANN.Az Türkiyə mediasına istinadən xəbər verir ki, Səudiyyə Ərəbistanda Kral Abdullahın ölümündən sonra taxtda çıxan Kral Salman üçün bütün ölkədə biət mərasimləri təşkil edilir.
Kral Salman hakimiyyətə gələn kimi ilk iş olaraq təqaüdçü və şagirdlərə mükafat olaraq iki qat maaş verib.
Paytaxt Riyaddan kənarda da, yəni uzaq qəsəbələrdə də xalq, yeni krallarına bağlı olduqlarını göstərirlər. Ancaq bunu Kral Salmanın kağız posterinə edirlər. İnternetdə yayımlanan videoda bu, bütün detallarıyla əks etdirilib. Məktəblər və müxtəlif mərkəzlərdəki mərasimlərdə xalq, Kral Salmanın posterinin qarşısından keçərkən, posterin arxasından kralı əvəz etmək üçün kağızın içindən əllərini uzadıb ziyarətçilərlə salamlaşırlar. Qadın və kişilər ayrı-ayrı kralın posterinin hüzuruna çıxırlar. Qadınlarla posterin içindən əl uzadıb qucaqlaşmaq vəzifəsini də yenə həmcinsləri, yəni qadınlar boynuna götürüb.
Bizi sosial şəbəkələrdə izləyin !
