Dərs
ili başlayandan sentyabrın 21-ə kimi Azərbaycanda 95 şagird və 26 pedaqoji kollektiv üzvündə koronavirus aşkarlanıb, bu barədə Azərbaycan respublikasl Təhsil Nazirliyi məlumat yayıb.
Təhsil eksperti
Kamran Əsədov anews.az-a açıqlamasında bildirib ki, yoluxma hallarının daha da
artması qaçılmazdır. Çünki təhsilimizdə bir çox problemlər var.
"Mən bu gün 30-dan çox
məktəbdə monitorinq keçirtdim. Doğrudür validenlər məktəbə buraxılmır, amma bu məsələnin
həlli yolu deyil. Şagirdlər eyni girişdən girib çıxırlar. Əslində isə məktəbin girişi və çıxışı fərqli olmalıdır. Hətta deyərdim ki, məktəbin bir neçə çıxışı olmalıdır. Çünki belə hallda məktəblilər üzbəüz gəlməyəcək və bu yoluxmanın artmasının qarşısını ala biləcək".
Ekspert onu da
bildirdi ki, məktəblərin qarşısında valideynlərin sıxlığının yaranmaması üçün
xüsusi işarələr qoyulmalı və valideynlər onlara uyğun davranmalıdır. Hazırda məktəblərin
qarşısında isə validenlər nə sosial məsafə gözləyir, nə maska taxır.
Ekspert pandemiya dövründə təhsil nazirliyinin təşkilatçılığının çox aşağı səviyyədə olmasını da qeyd edərək bildirdi ki, təhsili facebook və yumşaq kresloda oturmaqla idarə etmək olmaz. Məktəblərə gedib vəziyyətlə maraqlanmaq lazımdır. Əks halda durum belə davam edərsə 2 həftə sonra tədris prosesi yenidən dayana bilər.
Məsələ
ilə bağlı həkim infeksionist Fərrux Sədirov bildirdi ki, ilk öncə koronavirusa yoluxma halının həqiqətənmi məktəbdə baş verib vermədiyini araşdırmaq lazımdır. "Çünki
şagird məktəbə evdən gəlir, cəmiyyət içində olur, bir və bir neçə ictimai nəqliyyata
minir. Onun məktəbdə yoluxduğunu təsdiq edən bir test yoxdur. Odur ki, şagirdin harada yoluxmasının heç bir önəmi yoxdur. Problem maskalardan
düzgün istifadə olunamasındadır", deyə həkim vurğuladı.
Yoluxma halları çoxalarsa məktəblər bağlana bilərmi sualına isə TƏBİB-in mətbuat katibi Rəvanə Əliyeva bildirdi ki, bu onların verə biləcəyi qərar deyil. Bütün qərarlar Operativ Qərargah tərəfindən qəbul olunur.
www.anews.az
Bizi sosial şəbəkələrdə izləyin !
