Özbəkistan prezidenti Putinə qarşı çıxdı

Özbəkistan prezidenti İslam Kərimov Avrasiya İqtisadi Birliyinin yaradılmasını tənqid edib. ANS PRESS-in məlumatına görə, prezident deyib ki, AİB-ə üzv olmaq siyasi asıllığıa gətirib çıxara bilər.

“Onlar deyirlər ki, iqtisadi bazar yaradırlar. Burada hansısa ölkənin müstəqilliyini və suverenliyini itirməkdən söhbət gedə bilməz. Mənə deyə bilərsinizmi ki, Azad İqtisadi siyasət yürütməyən ölkə öz maraqlarına xidmət edən siyasət yürüdə bilər?”, - İslam Kərimov deyib.

Qeyd edək ki, İslam Kərimov birmənalı olaraq Avrasiyaya inteqrasiyaya qarşı çıxıb. O, hesab edir ki, Avrasiyaya inteqrasiya Kremldə hazırlanmış layihənin bir parçasıdır.

Xatırladaq ki, mayın 29-da Astanada Rusiya, Belarus və Qazaxıstan prezidentləri Avrasiya İqtisadi Birliyinin yaradılmasına dair saziş imzalamışdı.

ANN.Az