Özbəkistanda parlament seçkilərində fəallıq 71,52 faiz olub - Yenilənib
27.10.2024 19:02
Özbəkistanda Ali Məclisin (parlamentin) Qanunvericilik Palatasına və yerli şuralara seçkilərdə seçici fəallığı 71,52 %, yəni 14,2 milyon nəfərdən çox olub.Bu barədə ölkənin Mərkəzi Seçki Komissiyasının sədr müavini Bəhrom Kuçkarov brifinqdə bildirib.
"Saat 17:00-a olan məlumata görə, seçki məntəqələrində 14 milyon 264 min 994 seçici,ümumi siyahının 71,52 faizi səs verib”, - o deyib.
15:44
Yerli vaxtla saat 15:00-a olan məlumata görə, Özbəkistanda parlament seçkilərində seçici fəallığı 62,7 faiz təşkil edib.Bu barədə Özbəkistan Mərkəzi Seçki Komissiyasının sədr müavini Baxrom Kuçkarov MSK-da keçirdiyi brifinqdə deyib.
19,9 milyon vətəndaşın səsvermədə iştirakı gözlənilir, onlardan 12,5 milyonu saat 15:00-a artıq seçkilərdə səs verib.
İlkin nəticələr oktyabrın 28-də elan olunacaq.
11:49
Özbəkistanda parlament seçkiləri keçirilir.Bu barədə yerli Mərkəzi Seçki Komissiyası məlumat yayıb.
Seçkilərdə beş partiya iştirak edir: Sahibkarlar və İş Adamları Hərəkatı - Özbəkistan Liberal Demokrat Partiyası, "Milliy tiklaniş" Demokrat Partiyası, Ekoloji Partiyası, Xalq Demokratik Partiyası və "Adolat" Sosial Demokrat Partiyası.
www.anews.az
Foto 
Video 
