Əfqanıstanda baş vermiş rixter cədvəli ilə 7.7 bal gücündə zəlzələ nəticəsində ölənlərin sayı 275 nəfəri keçib. ANS PRESS-in məlumatına görə, zəlzələ Əfqanıstanla yanaşı, Pakistan, Hindistan və Tacikistada da dağıntılar törədib. 

Zəlzələ zamanı Əfqanıstanın Taluqan şəhərində 12 tələbə qızın məktəbin dağıntıları altında qalaraq ölməsi daha çox kədərə səbəb olan hadisələrdən biri olub.

Ən çox itki Pakistanda yaşanıb. Burada azı 214 nəfər ölüb. Ölü sayının artma ehtimalları da yüksəkdir. Pakistan rəhbərliyi zəlzələ zamanı daha çox dağıntıya məruz qalan bölgələrin ucqar yerlər olduğunu və həmin yerlərlə əlaqənin kəsildiyini bildiriblər. Belə olan halda, ölü sayının artacağı da ehtimalları da yüksək qiymətləndirilir.

Təbii fəlakətin episentri Feyzabad şəhəri yaxınlığında 213 kilometr dərinlikdə qeydə alınıb.

Dünən Əfqanıstanda 7.7 bal gücündə zəlzələ baş verib. İlkin məlumatda, zəlzələ nətyicəsində ancaq Pakistan və Əfqanıstanda 88-ə yaxın insanın ölüdüyü, yüzlərlə insanın isə yaralandığı bildirilmişdi. 

Qurbanların əksəriyyəti evlərin uçması nəticəsində dünyasını dəyişib. Yerli sakinlərin sözlərinə əsasən, zəlzələ gün ərzində bir neçə dəfə təkrar olunub. Həmin vaxtlarda uşaqlar evdə olduğundan, daha çox onlar ziyan çəkiblər.

Pakistanda sonuncu dəfə güclü zəlzələ ötən ay baş vermişdi. Belə ki, 7.7 bal gücündə olan həmin zəlzələ nəticəsində 350 nəfər ölmüş, 705 nəfər isə xəsarət almışdı. Zəlzələ nəticəsində yüzlərlə insanın itkin düşdüyü, onlarla evin dağıdıldığı da deyilir.