Həkim: "Təəssüflər olsun ki, xəstənin səhhəti yaxşılığa doğru getmir"“Özünü yandıran əlil Nizami Kərimovun vəziyyətində heç bir müsbət irəliləyiş yoxdur”. Bunu ANS PRESS-ə xəstənin yerləşdirildiyi 5 saylı şəhər Klinik Xəstəxananın yanıq şöbəsinin müdiri Vüqar Ələkbərov deyib.Onun bildirdiyinə görə, xəstənin gündəlik müalicəsi davam etdirilir: “Nizami Kərimov artıq 5 gündür ki, müalicə alır. Amma təəssüflər olsun ki, xəstənin səhhəti yaxşılığa doğru getmir. Onun vəziyyəti ağır olaraq qalmaqdadır”.Qeyd edək ki, həyatına qəsd edən Yevlax rayon sakini Nizami Kərimov heç bir yerdə işləmədiyini və sosial təminat ala bilmədiyini əsas gətirərək belə bir addım atdığını deyib ANN.Az