Müştərilərə üstün xidmət göstərməyi hədəfləyən Azercell abunəçilərinin sorğularının vaxtında cavablandırılmasını, onların təklif və rəylərinin hərtərəfli təhlilini uğurla təmin edib.
Müştəri xidmətlərinin keyfiyyətini daha da artıran Azercell bu sahədə texnoloji yeniliyi tətbiq edib. 2023-cü ilin noyabrında şirkət Azərbaycan dilində tam xidmət göstərən ilk süni intellektə əsaslanan virtual köməkçini istifadəyə verib. AiCell adlı süni intellektlə işləyən bot müştəriləri Çağrı Mərkəzinin operatorlarına yönləndirmədən dərhal bir çox xidmətləri həyata keçirir və abunəçilərin müraciətlərinə daha operativ baxılmasına kömək edir. Beləliklə, Azercell daha çox sorğuya daha qısa müddətdə baxaraq, müştərilərinin vaxtına qənaət etmişdi. Qeyd edək ki, virtual köməkçinin kommunikasiya funksiyaları və xidmət imkanları davamlı olaraq inkişaf edir və qarşıdakı aylarda bot daha iki özünəxidmət funksiyasını təqdim edəcək.
Bundan əlavə, Azercell rəqəmsal kanallar vasitəsilə xidmət göstərməyə davam edib. Ötən il ərzində şirkətə onlayn kanallar vasitəsilə 1,5 milyona yaxın sorğu daxil olub, onlardan 440 minə yaxınına sosial şəbəkələr vasitəsilə müraciət edilib. Hazırda Azercell Facebook, Instagram, Twitter, LinkedIn və YouTube platformalarında müştəri xidmətləri göstərir.
Həmçinin, ötən il Azercell beynəlxalq standartlara uyğun müştəri xidmətlərinin göstərilməsi üçün "ISO 18295-1:2017: Müştərilərlə əlaqə mərkəzlərinə tələblər” sertifikatını alıb.
Bu təşəbbüslər nəticəsində Azercell-in Çağrı Mərkəzinin Müştəri Məmnuniyyəti İndeksi 2023-cü ildə 94,9%-ə çatıb ki, bu da qlobal göstərici olan 85%-i əhəmiyyətli dərəcədə üstələyib.
Qeyd edək ki, Azercell-in Çağrı Mərkəzinə 7/24 fəaliyyət göstərən *1111 qısa nömrəsi, 012-4904949 (Fakturasız Xətt abonentləri üçün) və 012-4905252 (Fakturalı Xətt abunəçiləri üçün) stasionar nömrələri, həmçinin onlayn ünsiyyəti təmin edən Kabinetim proqramı.
www.anews.az
Follow us !
