ABŞ-ın sabiq prezidenti və Respublikaçılar Partiyasının prezidentliyə namizədi Donald Tramp bəyan edib ki, qələbə qazanacağı təqdirdə, Əbraham razılaşmalarını genişləndirmək və Yaxın Şərqdə sülh yaratmaq üçün çalışacaq.

Keçmiş ABŞ prezidenti hazırkı Amerika lideri Co Baydeni Yaxın Şərqdəki vəziyyətə görə ittiham edib.

"Əgər mən prezident olsaydım, bu müharibə heç vaxt başlamazdı. Bu qədər ölən insan olmazdı. (...) 7 oktyabr da olmazdı", - o bildirib.

Respublikaçı namizəd İranın Qəzza zolağında və Livanda baş verən münaqişələri maliyyələşdirdiyini qeyd edib.

Tramp əlavə edib ki, onun dövründə Tehranın buna pulu yox idi. 

"Onların pulu yox idi, amma Bayden onlara 300 milyard dollar qazanmağa imkan verib",  -  Tramp bildirib. 

N.Təbrizli