Azərbaycandakı erməni əsir III ölkəyə getmək istəyir

Akop İnciqulyan ailəsinə məktub yazıbAzərbaycanda saxlanılan erməni hərbi əsir Akop İnciqulyan öz ailəsinə məktub göndərib. APA-nın Ermənistan saytlarına istinadən yaydığı məlumata görə, bu barədə onun qardaşı Arutyun açıqlama verib.Arutyun İnciqulyan bir ildən çoxdur əsirlikdə olan qardaşından məktublar aldıqlarını deyib: “Bir neçə məktub aldıq. O, bizim məktublarımıza cavab verib. Yazır ki, özünü yaxşı hiss edir, problem yoxdur, lakin ümid edir ki, yaxın gələcəkdə onu üçüncü ölkəyə göndərəcəklər”.Qeyd edək ki, Ermənistan ordusunun əsgəri Akop İnciqulyan 2013-cü il avqustun 7-dən 8-nə keçən gecə qoşunların təmas xəttinin Ağdam cəbhəsi istiqamətində Azərbaycan ordusunun nəzarəti altında olan hissəsinə keçib. ANN.Az