Hacı Murad Yengizarovun nəşi sabah vətənə gətiriləcək

Xalq artisti Hacı Murad Yengizarovun nəşi sabah Azərbaycana gətiriləcək.Bu barədə Mədəniyyət Nazirliyindən məlumat verilib.

Bildirilib ki, xalq artistinin nəşi Azərbaycan dövlətinin dəstəyi ilə sabah – 16 sentyabr 2025-ci il tarixində Vətənə gətiriləcək.

Onun cənazəsini gətirən təyyarə saat 10:40-da Bakı şəhərinə eniş edəcək.

Xalq artisti ilə vida mərasimi Təzəpir Məscidində keçiriləcək. Daha sonra nəşi II Fəxri Xiyabanda torpağa tapşırılacaq.

Hacı Murad Yengizarov sentyabrın 13-də uzun sürən xəstəlikdən sonra Almaniyada vəfat edib.